Nọmbas 9:20 - Edo Bible (E Baibol Ẹdo) Version 1996

²⁰ Ugbẹnso, omwa ikpẹdẹ eso ọ re okuku nii ya vbe uhunmwu agọ nii, vbene ọ rhirhi gha ye hẹ vbene Nọyaẹnmwa khare iran gha ru deghẹ ne iran mudia vbe agọ nọ, ra ne iran si kpao.

Nọmbas 9:20 ပူးပေါင်းရင်းမြစ်များ

Psalm 48:14

“Osanobua na Osanobua ima nọ ẹdẹ kevbe ẹdẹdẹmwẹdẹ rẹn ọ re ọ ra gha su ima khian ke orre yasẹ orre.”

Itan 3:5

Ya ẹtin ruẹn hia mu ẹtin yan e Nọyaẹnmwa. Ghẹ mu ẹtin yan emwi ne uwẹ ro ighe uwẹ rẹnrẹn.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

Nọmbas 10:13

E Nọyaẹnmwa ghi tama e Mosis, ọre iran na suẹn okhian nii.

Nọmbas 9:18

E Nọyaẹnmwa gha wẹ ne iran si vbe agọ, iran ghi ru vberriọ, ọ gha wẹ ne iran gba agọ iran ghi vbe ru vberriọ. Okuku nii ghẹ ghi mudia ye; uhunmwu agọ ni, iran ghi ye mudia vbe agọ ọkpa nii.

Nọmbas 9:19

Okuku ni gha mudia kpẹe vbe agọ nii, iran ghi ru vbe ne Nọyaẹnmwa khare, iran i si kpao.

Nọmbas 9:21

Ugbẹn eso, ke ota ya sẹ owiẹ ọkpa ọre okuku nii mudia kpẹe sẹ, okuku nii ghẹ ghi vbe si kpao nẹ, iran ghi si okhian. Asọn kevbe avan, ẹghẹikẹghẹ ne okuku nii ya si kpao, iran ghi si okhian.

Diuteronomi 7:21

Ghẹ gie ohan emwa na mu ẹẹn. E Nọyaẹnmwa Osanobua rua rrọọ ya ba uwa. Osanobua nọkhua ne ọ kere ne a gha mu ohan rẹn nọ.