Nọmbas 9:19 - Edo Bible (E Baibol Ẹdo) Version 1996

¹⁹ Okuku ni gha mudia kpẹe vbe agọ nii, iran ghi ru vbe ne Nọyaẹnmwa khare, iran i si kpao.

Nọmbas 9:19 ပူးပေါင်းရင်းမြစ်များ

Ẹksọdọs 40:37

A deghẹ okuku nii ma kpa, iran i vbe si gha rrie ago ọvbehe.

Levitikọs 8:35

Wa ghi wa gha rre onurho Owa Ukpọn ile nii asọn kevbe avan la ikpẹdẹ ihinrọn, wa ghi gha ru vbene Nọyaẹnmwa khare, deghẹ wa ma ru vberriọ, wa gha wulo.” Emwi ne Nọyaẹnmwa tama mwẹ ọre ọna khin.

Zẹkaraia 3:7

e Nọyaẹnmwa khare wẹẹ, “U gha ye uhi mwẹ ru emwi, u na vbe gha ru iwinna ne I wa ne uẹn, ẹghẹ nii, u ghi gha re ọmwa ne ọ gbearoghe Ọgua Osa mwẹ kevbe ehe ne ọ lẹga ẹre rhinrin, mẹ gha vbe họn erhunmwu ruẹn, zẹ vbene I họn erhunmwu avbe odibosa ni rre ehe ne imẹ ye.

Nọmbas 3:8

Iran ghi gha gbe aro ghe emwi ne a lo vbe uwu Owa Ukpọn hia, iran ghi vbe gha winna ne ivbi Izrẹl ni dekẹe.

Nọmbas 9:18

E Nọyaẹnmwa gha wẹ ne iran si vbe agọ, iran ghi ru vberriọ, ọ gha wẹ ne iran gba agọ iran ghi vbe ru vberriọ. Okuku nii ghẹ ghi mudia ye; uhunmwu agọ ni, iran ghi ye mudia vbe agọ ọkpa nii.

Nọmbas 9:20

Ugbẹnso, omwa ikpẹdẹ eso ọ re okuku nii ya vbe uhunmwu agọ nii, vbene ọ rhirhi gha ye hẹ vbene Nọyaẹnmwa khare iran gha ru deghẹ ne iran mudia vbe agọ nọ, ra ne iran si kpao.