Nọmbas 9:18 - Edo Bible (E Baibol Ẹdo) Version 1996

¹⁸ E Nọyaẹnmwa gha wẹ ne iran si vbe agọ, iran ghi ru vberriọ, ọ gha wẹ ne iran gba agọ iran ghi vbe ru vberriọ. Okuku nii ghẹ ghi mudia ye; uhunmwu agọ ni, iran ghi ye mudia vbe agọ ọkpa nii.

Nọmbas 9:18 ပူးပေါင်းရင်းမြစ်များ

Ẹksọdọs 17:1

Ivbi Izrẹl hia keghi si kpao vbe ato Sin rre, iran na gha si ke agọ ọkpa la ọvbehe zẹ vbene Nọyaẹnmwa tama iran. Iran keghi ya yakọ vbe Rẹfidim, sokpan iran ma miẹn amẹ wọn vbe evba.

Nọmbas 10:13

E Nọyaẹnmwa ghi tama e Mosis, ọre iran na suẹn okhian nii.

Nọmbas 9:19

Okuku ni gha mudia kpẹe vbe agọ nii, iran ghi ru vbe ne Nọyaẹnmwa khare, iran i si kpao.

Nọmbas 9:20

Ugbẹnso, omwa ikpẹdẹ eso ọ re okuku nii ya vbe uhunmwu agọ nii, vbene ọ rhirhi gha ye hẹ vbene Nọyaẹnmwa khare iran gha ru deghẹ ne iran mudia vbe agọ nọ, ra ne iran si kpao.

I Kọrinti 10:1

Etẹn mwẹ, I ho ne I ye uwa emwi ne ọ sunu vbe egbe avbe erha mwa odede ni lele Mosis khian rre. Okuku mu aghọnghọn gue iran, iran keghi vbe fian Okun Ne Ọ Baa rraa hẹnnẹdẹn.

II Jọn 1:6

Aho ẹmwẹ ọmwa ne I ta ẹmwẹ ọnrẹn na ọrọre, wẹ ne ima gha ya avbe iyi ne Osanobua yi ru emwi. Nene iyi, zẹ vbene uwa họẹn ke omuhẹn gha dee ọrọre wẹ: wa hia gha rrọọ vbe uwu aho ẹmwẹ ọmwa.