Nọmbas 9:15 - Edo Bible (E Baibol Ẹdo) Version 1996

^15-16 Vbe ẹdẹ ne a mu Owa Ukpọn Ile ni mudia, okuku ke ghi rre do degue ẹre. Vbe asọn, ọ ke yevbe erhẹn.

Nọmbas 9:15 ပူးပေါင်းရင်းမြစ်များ

Nehimaia 9:12

U ya okuku su iran vbe ẹghẹ avan, u keghi ya erhẹn rhukpa ne iran vbe ẹghẹ asọn.

Nehimaia 9:19

Sokpan, wẹ ma sẹ iran rae ye ato vbe evba rhunmwuda, itohan ruẹn kpọlọ u ma rhie okuku nii ra erhẹn nii hinrre, ne ọ gha ma iran odẹ vbe avan kevbe asọn.

Psalm 105:39

Osanobua keghi mu okuku amẹ, ye odukhunmwu emwa irẹn, kevbe erhẹn vbe asọn, ne ọ gha rhie uwanmwẹ ne iran.

Psalm 78:14

Vbe ẹghẹ avan, ọ keghi ya okuku su iran ọ keghi ya orre erhẹn su iran vbe asọn hia.

Ẹksọdọs 13:21

Vbe ẹghẹ avan, e Nọyaẹnmwa ghi ya orre okuku ke odaro iran ne ọ gha ma iran odẹ, kevbe ẹghẹ asọn, ọ ghi ya orre erhẹn ke odaro ne iran ne ọ gha rhie uwanmwẹ ne iran, ne iran miẹn ehe na ye avan kevbe asọn khian.

Ẹksọdọs 13:22

Orre okuku nii kegha ke odaro ne iran vbe avan hia, kevbe orre erhẹn vbe asọn.

Ẹksọdọs 14:24

Ẹdẹ ghi ra gbe, e Nọyaẹnmwa keghi ke uwu orre erhẹn kevbe okuku gbe aro ghe otọ ghe avbe ivbiyokuo Igipt, ọ na fian otighi fi ọbuohiẹn iran.

Ẹksọdọs 40:2

“Vbe ikpẹdẹ nokaro ọghe uki nokaro, u ghi mu Owa Ukpọn nii mudia, ọghe ehe ne Nọyaẹnmwa ye.

Ẹksọdọs 40:34

Okuku keghi rhu yan Owa Ukpọn nii awanwan ne ẹ i gie a ghe ọghe Nọyaẹnmwa keghi vuọn rẹn.

Ẹksọdọs 40:35

E Mosis ma sẹtin la uwu Owa Ukpọn nii rhunmwuda okuku ne ọ rhu uẹ yan rẹn, uyi ọghe Nọyaẹnmwa keghi vuọn rẹn.

Ẹksọdọs 40:38

Okuku nii ne ọ rhie maa wẹẹ e Nọyaẹnmwa rre evba ghi gha mudia yan Owa Ukpọn nii vbe avan, erhẹn ghi vbe gha ba vbọ vbe asọn vbe ehe ne ivbi Izrẹl hia gha na sẹtin bẹghe vbe uwu ẹghẹ hia ne iran ya gha si ke agọ dinna agọ.

Aizaia 4:5

Ẹghẹ nii, e Nọyaẹnmwa gha gie okuku amẹ vbe ẹghẹ avan, kevbe ighogho deba erhẹn ne ọ baa vbe ẹghẹ asọn gie Oke Zaiọn kevbe emwa ni si koko ye evba. Uyi ọghe Osanobua gha rhuẹ yan rẹn, ọ ghi degue ẹvbo nii hia.

Nọmbas 10:34

Zẹ vbene iran ya si ke agọ kpao nii, erriọ ọre okuku ọghe Nọyaẹnmwa ya rhu gue iran vbe avan.

Nọmbas 14:14

Iran ghi do tama emwa ni rre ẹvbo na. Emwa na ka họn nẹ wẹ, wẹ ne Nọyaẹnmwa rrọọ yaba mwa, wẹ, te u wa ya egbe ne a miẹn vbe okuku ruẹ a de mudia vbe odukhunmwu ehe ne ima ye, kevbe wẹ avan gha rre, u ghi ke odaro ne ima vbe uwu orre okuku amẹ kevbe asọn, vbe uwu orre erhẹn.

Nọmbas 17:7

E Mosis keghi viọ avbe ọkpọ nii hia ye odaro Ẹkpẹti Ile Nọyaẹnmwa vbe uwu Owa Ukpọn Ile.

I Kọrinti 10:1

Etẹn mwẹ, I ho ne I ye uwa emwi ne ọ sunu vbe egbe avbe erha mwa odede ni lele Mosis khian rre. Okuku mu aghọnghọn gue iran, iran keghi vbe fian Okun Ne Ọ Baa rraa hẹnnẹdẹn.

Diuteronomi 1:33

Ọmwa ne ọ gha ke odaro ne uwa vbe ẹghẹ hia ne ọ ya gha gualọ ehe ne uwa gha gbe agọ yi ye otọ khẹ uwa. Asọn gha rre, ọ ghi mu akpa orre erhẹn yọ ya ke odaro ne uwa, avan gha rre ọ ghi gha re orrẹ okuku amẹ, ne ọ miẹn ehe na ma uwa odẹ.