Nọmbas 9:14 - Edo Bible (E Baibol Ẹdo) Version 1996

¹⁴ “A deghẹ orhunmwuyẹn ne ọ rre ehe ne uwa ye we rẹn gha ru emwiukpo Alagberra, ọ ghi ru ẹe zẹ vbe emwamwa kevbe ilele ne ọ rrọọ. Uhi ọkpa ni ọre ọ kan emwa hia, ọre ọmọ otọ nọ ra ọrriọvbe.”

Nọmbas 9:14 ပူးပေါင်းရင်းမြစ်များ

Ẹzra 6:21

Ivbi Izrẹl hia ni ke iwe rre, kevbe avbe emwa ni lahin odẹ ẹbọ ne iran gho rre, ighẹ avbe emwa ni ka gha rre otọe ni, iran na ghi do ga e Nọyaẹnmwa Osanobua Izrẹl, ọ re ọ rri emwi ne a ya zọ ese nii.

Ẹksọdọs 12:43

E Nọyaẹnmwa keghi tama e Mosis kevbe Errọn wẹẹ, “Ilele ẹmwẹ Alagberra ọre ena khin: A ghẹ gie ọrriọvbe rrie evbare alagberra.

Ẹksọdọs 12:47

Emwa nii re ivbi Izrẹl hia ọre ọ gha rri evbare na, sokpan a ghẹ gie ukpikolo rriọe.

Levitikọs 19:10

Wa ghẹ dọlegbe la ugbo emwi okọ ayọn nọbaa ne uwa rhọ ọmọ rẹn ne ọ te kharha kua. Wa sẹ enii rae ne avbe ivbiogue kevbe avbe orhunmwuyẹn. Mẹ ọ re Nọyaẹnmwa Osanobua rua.

Levitikọs 22:25

“Ghẹ ye aranmwẹ ne a miẹn orhunmwuyẹn re zẹ ọhẹ evbare, aranmwẹ ne egbe ma gba na ọ re a ka egbọre baa, a i vbe rhan obọ miẹn rẹn.

Levitikọs 24:22

Te uhi na dekan uwa hia, ivbi Izrẹl, kevbe avbe orhunmwuyẹn ni rre ehe ne uwa ye rhunmwuda, mẹ ọ re Nọyaẹnmwa Osanobua ruẹ.”

Levitikọs 25:15

A ghi ta ive ẹre ye inu ukpo ne otọe gha ya mọ ọmọ ọ te ya sẹ ukpo afanvbirri ne ọ lele ẹe.

Nọmbas 15:15

Uhi na ghi gha re ne uwa kevbe avbe erhunmwuyẹn ni rre ẹvbo rua, gha ya gha ru emwi rhinrin ẹdẹ. Ọkpa ọ re uwa vbe iran khin vbe odaro Nọyaẹnmwa.

Nọmbas 15:16

Uhi ne ọ kan uwa ọre ọ vbe kan iran.

Diuteronomi 29:11

Ikhuo uwa kevbe avbe orhunmwuyẹn ni rre ẹbu uwa ni rhẹ erhan sa amẹ gie uwa.

Diuteronomi 31:12

Tie avbe ikpia hia, ikhuo hia, ibiẹka hia kevbe avbe orhunmwuyẹn ni rre uwa ẹvbo, ne iran hia miẹn ehe na họn ẹẹn, ne iran sẹtin ruẹ vbene a ya ọghọ ne Nọyaẹnmwa Osanobua hẹ, ne iran vbe gha ya ẹkoata lele emwi ne ọ ma emwa re.