Nọmbas 8:26 - Edo Bible (E Baibol Ẹdo) Version 1996

²⁶ Vbe iyeke ọnii, iran sẹtin ru iyobọ ne e Livai ne ihua iran vbe iran a gha winna iwinna iran vbe uwu Owa Ukpọn, sokpan, ne iran ghẹ ghi winna iwinna rhọkpa iran ọkpa kẹkan. Erriọ u gha mwamwa iwinna avbe Livai ye ihe dọmwadẹ ọghe ọe.”

Nọmbas 8:26 ပူးပေါင်းရင်းမြစ်များ

I Krọnikol 23:32

A keghi vbe fian ẹre okhuo ne iran, ne iran gha gbe aro ghe Owa Ukpọn ne a ya rẹn ighẹ e Nọyaẹnmwa rre evba kevbe Ọgua Osa, kevbe ne iran vbe gha yi etẹn iran obọ ighẹ avbe ohẹn ni re ivbi uniẹn Errọn, vbe ẹghẹ ugamwẹ vbe Ọgua Osa.

Ezikiẹl 44:11

Iran sẹtin gha winna mẹ vbe uwu Ọgua Osa vbekpa ne iran gha na gha gbearoghe onurho, kevbe ne iran gha winna iwinna ni rre uwu Ọgua Osa. Iran sẹtin gha gbele avbe emwi ne avbe emwa ya zọ ese ne a gien uan kevbe ese kẹkan, iran ghi vbe gha rre do gha winna ne avbe emwa nii.

Ezikiẹl 44:8

Iran ma gbearoghe ilele itaemwi ni rre Ọgua Osa mwẹ, sokpan, iran keghi viọ avbe erriọvbe yọ ne iran gha gbearoghe ẹre.

Nọmbas 1:53

Sokpan avbe Livai ghi bu agọ lẹga Owa Ukpọn Ile ne iran gha gbe aro ghe ẹre, ne ọmwa rhọkpa ghẹ ya sikẹ ọre, ne ohu ghẹ ya mu mwẹ fi Izrẹl emwi.”

Nọmbas 18:4

Te iran khian yaba ruẹ gha winna, iran ghi ru enọ sẹ iran egbe vbe uwu iwinna ni rre Owa Ukpọn, sokpan, a ghẹ gie ọmwa ne ọ ma he sẹ deba ruẹ winna.

Nọmbas 3:32

Ọkaolotu avbe Livai kegha re Eliaza ne ovbi Errọn ne ohẹn, rẹn ọre ọ gha gbe aro ghe iran ni winna vbe uwu Ehe Ne ọ huanrẹn.

Nọmbas 31:30

U ghi rhie oghunmwu ọkpọkpa vbe uwu ekigbe siyeha vbe emwi ne a ghae gie emwa nii, erriọ vbe nọ vbe ẹmila, ekẹtẹkẹtẹ, ohuan ke ẹwe. U ghi viọ iran ne avbe Livai ni gbe aro ghe Owa Ukpọn Ile ọghe Nọyaẹnmwa.”

Nọmbas 8:25

Iran gha ghi sẹ ukpo ekigbe siyeha nẹ, iran ghi ban akpa.

I Timoti 4:15

Gha ya avbe emwi na rue emwi, ne u vbe zẹ egbe ruẹ obọ ne iran, ne alaghodaro ruẹ miẹn ehe na gha re ne aro emwa hia sẹẹ.