Nọmbas 8:20 - Edo Bible (E Baibol Ẹdo) Version 1996

²⁰ Ẹre Mosis, Errọn ke ẹe kevbe emwa Izrẹl hia ghi na ye avbe Livai fi ohan zẹ vbe ne Nọyaẹnmwa tama e Mosis.

Nọmbas 8:20 ပူးပေါင်းရင်းမြစ်များ

Ẹksọdọs 12:50

Ivbi Izrẹl hia na wa ru vbene a kha re, iran keghi ru vbene Nọyaẹnmwa tama e Mosis kevbe Errọn.

Nọmbas 1:50

Ne u gha na te ru vberriọ, u ghi viọ avbe Livai ye ni gbe aro ghe Owa Ukpọn Ile kevbe avbe emwi ne a lo vbọ hia. Iran ọre ọ khian gha dadae ke ẹe kevbe emwi ne a lo vbọ, iran ghi gha ga vbọ, iran ghi vbe bọlọ agọ iran lẹga ẹre.

Nọmbas 1:54

Ivbi Izrẹl keghi ru emwi hia ne Nọyaẹnmwa tama e Mosis.

Nọmbas 8:19

Mẹ keghi viọ iran ne Errọn kevbe avbe ivbi ẹre zẹ vbe emwi izẹọhẹ ke obọ ivbi Izrẹl rre, ne iran gha ru ugamwẹ mẹ vbe uwu Owa Ukpọn Ile ne ivbi Izrẹl, kevbe ne ọ degue iran hin obọ ẹbe ne ọ gha te rruan iran vbe iran a sikẹ Ehe Ne ọ huanrẹn nii gbe.”

Nọmbas 8:21

Avbe Livai keghi khuẹ egbe iran huan, iran na họ ukpọn iran, Errọn keghi ya iran fi ohan zẹ vbe izẹọhẹ kpataki ne Nọyaẹnmwa. Ọ keghi vbe ru iruemwi akpehuan ne iran.

Nọmbas 9:22

Ọre ikpẹdẹ eva nọ, ra uki ọkpa ra ukpo hoho, okuku nii gha ye mudia yan agọ nii, iran i si kpao, ọ gha kpao, iran ghi si okhian.

Nọmbas 9:5

Iran keghi gele ru ẹe vbe uwu ato Sainai, vbe ota ikpẹdẹ ne ogiwenẹ ọghe ukpo ne okaro. Emwa nii keghi ru emwi hia zẹ vbene Nọyaẹnmwa tama e Mosis.