Nọmbas 8:14 - Edo Bible (E Baibol Ẹdo) Version 1996

¹⁴ Wannọ avbe Livai hin uwu ẹbu ivbi Izrẹl rre vberriọ ne iran miẹn ehe na gha re ọghomwẹ.

Nọmbas 8:14 ပူးပေါင်းရင်းမြစ်များ

Malakai 3:17

E Nọyaẹnmwa ne Oghodua khare wẹẹ, “Iran ghi gha re emwa mwẹ, ẹdẹ ne I gha guan yọ iran ghi gha re emwi obọ mwẹ. Mẹ gha tohan iran zẹ vbene erha ọmọ tohan ọmọ ne ọ ga ẹe.

Nọmbas 18:6

Mẹ ọre ọmwa ne ọ hannọ avbe Livai ne etuẹn zẹ vbe uwu ẹbu ivbi Izrẹl ne iran gha re emwi izẹ ọhẹ ne uẹn. Te a ya iran fi ohan mẹ ne iran sẹtin gha winna iwinna iran vbe uwu Owa Ukpọn Ile.

Nọmbas 3:12

“Avbe Livai ọre I gha viọ ye ihe emọ ọdiọn hia ọghe avbe ivbi Izrẹl, iran ghi gha re ọghomwẹ, rhunmwuda, emọ ọdiọn nikpia hia, ọghomwẹ iran khin. Ẹghẹ ne I na gbele emọdiọn nikpia vbe Igipt, I keghi vbe ya emọ ọdiọn ikpia ni rre ivbi Izrẹl fi ohan ne egbe mwẹ, deba emọ ọdiọn ọghe emwirri. Mẹ ọrọre Nọyaẹnmwa.”

Nọmbas 3:45

“Banbanna nian, ye avbe Livai fi ohan khian ọghomwẹ ye ihe emọ ọdiọn ikpia ọghe ivbi Izrẹl, ne u vbe ya emọdiọn avbe ẹmila ivbi e Livai ye ihe ivbi ẹmila ọghe ivbi Izrẹl.

Nọmbas 3:9

Iwinna ọkpa ne ọ mobọ re ọghe avbe Livai ọrọre ne iran gha winna ne Errọn kevbe ivbi ẹre.

Nọmbas 6:2

ne ọ rhie igiodẹ na ma ivbi Izrẹl, “Ọ re okpia ra okhuo nọ ne ọ ru eyan ighẹ rẹn khian gha re agbihiagha, ọ na vbe ye egbe ẹre fi ohan ne Nọyaẹnmwa,

Nọmbas 8:13

Ye avbe Livai fi ohan mẹ; zẹ vbe emwi ihaoko kpataki, ne u viọ Errọn kevbe ivbi ẹre ye ne ọ gha gbe aro ghe iran.

Nọmbas 8:17

Ẹghẹ ne I na gbele emọ ọdiọn vbe Igipt, I keghi ya emọ ọdiọn ikpia ọghe ivbi ẹgbẹe Izrẹl fi ohan zẹ vbe ọghomwẹ, deba emọ ọdiọn ọghe aranmwẹ.

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Galatia 1:15

Sokpan vbe ekpa ẹsọhẹ ọre, uhin vbe a te biẹ mwẹ, Osanobua keghi tie mwẹ ne I do gha gae.

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.