Nọmbas 8:13 - Edo Bible (E Baibol Ẹdo) Version 1996

¹³ Ye avbe Livai fi ohan mẹ; zẹ vbe emwi ihaoko kpataki, ne u viọ Errọn kevbe ivbi ẹre ye ne ọ gha gbe aro ghe iran.

Nọmbas 8:13 ပူးပေါင်းရင်းမြစ်များ

Nọmbas 18:6

Mẹ ọre ọmwa ne ọ hannọ avbe Livai ne etuẹn zẹ vbe uwu ẹbu ivbi Izrẹl ne iran gha re emwi izẹ ọhẹ ne uẹn. Te a ya iran fi ohan mẹ ne iran sẹtin gha winna iwinna iran vbe uwu Owa Ukpọn Ile.

Nọmbas 8:11

Errọn ghi ye avbe Livai fi ohan mẹ zẹ vbe izẹọhẹ kpataki ke obọ ivbi Izrẹl rre ne iran do gha winna iwinna mwẹ.

Nọmbas 8:12

“Iyeke ọnii, avbe Livai ghi viọ obọ iran yan ekhuia ẹmila eva nii uhunmwu, a ghi ya ọkpa vbọ zọ ese orukhọ, a ghi ya nọkpa zọ ese na giẹn uan, ne a miẹn ehe na ru iruemwi akpehuan ne avbe Livai.

Nọmbas 8:14

Wannọ avbe Livai hin uwu ẹbu ivbi Izrẹl rre vberriọ ne iran miẹn ehe na gha re ọghomwẹ.

Nọmbas 8:21

Avbe Livai keghi khuẹ egbe iran huan, iran na họ ukpọn iran, Errọn keghi ya iran fi ohan zẹ vbe izẹọhẹ kpataki ne Nọyaẹnmwa. Ọ keghi vbe ru iruemwi akpehuan ne iran.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.