Nọmbas 7:89 - Edo Bible (E Baibol Ẹdo) Version 1996

⁸⁹ Ẹghẹikẹghẹ ne Mosis ya la uwu Owa Ukpọn Ile nii, ne ọ ya gu e Nọyaẹnmwa guan, ọ ghi họn vbe Nọyaẹnmwa a gha gu ẹe guan ke odukhunmwu ugue Ẹkpẹti Ile, ne ọ rre adesẹneva aranmwẹ eva ni zẹ ifuẹn.

Nọmbas 7:89 ပူးပေါင်းရင်းမြစ်များ

I Ọba 6:23

A keghi ru aranmwẹ ni mwẹ ifuẹn eva viọ ye ughugha ne ọ ke uwu ẹre, ọkpọkpa vbọ kegha re ibata ekesugie vbe uyomwẹ, erhan ọliv ọ re a ya ka ẹre.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 99:1

Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

Ẹksọdọs 40:34

Okuku keghi rhu yan Owa Ukpọn nii awanwan ne ẹ i gie a ghe ọghe Nọyaẹnmwa keghi vuọn rẹn.

Ẹksọdọs 40:35

E Mosis ma sẹtin la uwu Owa Ukpọn nii rhunmwuda okuku ne ọ rhu uẹ yan rẹn, uyi ọghe Nọyaẹnmwa keghi vuọn rẹn.

Levitikọs 1:1

E Nọyaẹnmwa keghi datie Mosis ke uwu Owa Ukpọn e Nọyaẹnmwa rre, ọ na viọ avbe uhi na ne ẹẹn wẹẹ,

Nọmbas 1:1

Vbe ikpẹdẹ ne okaro ọghe uki ne ogieva vbe ivbi Izrẹl kpao vbe Igipt rre nẹ, e Nọyaẹnmwa keghi gu e Mosis guan vbe uwu Owa Ukpọn Ile vbe ato ọghe Sainai. Ọ wẹẹ,

Nọmbas 11:17

I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Nọmbas 8:1

E Nọyaẹnmwa keghi tama e Mosis wẹẹ,

Hibru 4:16

Rhunmwuda ọnii, wa gie ima din khekherriọ, ne a gha die odaro ẹkete Osanobua, ehe ne ẹsọhẹ ye. Evba nii i ọre ima gha na miẹn itohan rhie kevbe ẹsọhẹ ne ọ gha yi ima obọ vbe ẹghẹ ne a na gualọe zẹẹ.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.

I Samuẹl 4:4

Iran keghi rhunmwuda onii gie emwa gha rrie Silo, iran na ya mu Ẹkpẹti Ile ọghe Nọyaẹnmwa ne Oghodua, ne ọ tota yan ẹkete ẹre vbe adesẹneva emwi na yi ni mwẹ ifuẹn nii, ivbi Elai eveva Hofnai kevbe Finihaz keghi lele Ẹkpẹti Ile ni gha dee.