Nọmbas 6:27 - Edo Bible (E Baibol Ẹdo) Version 1996

²⁷ E Nọyaẹnmwa keghi kha wẹẹ, “Iran gha so enii mwẹ ya na erhunmwu na vbe iran gha na erhunmwu ne ivbi Izrẹl, I gha fiangbe iran.”

Nọmbas 6:27 ပူးပေါင်းရင်းမြစ်များ

Gẹnẹsis 32:26

Okpia nii keghi kha wẹẹ, “Sẹmwẹ rae I ghe te ẹdẹ ghi ra gbe.” Sokpan Jekọb wanniẹn wẹẹ, “I i suẹ rae vbe ẹ i re te u fiangbe mwẹ nẹ.”

Gẹnẹsis 32:29

E Jekọb keghi kha wẹẹ, “Lahọ ta eni ruẹn ma mwẹ.” Sokpan rẹn wanniẹn wẹẹ, “Vbọzẹ ne u na nọ eni mwẹ?” Ẹre ọ ghi na fiangbe Jekọb.

II Samuẹl 7:23

Ẹvbo ọvbehe i rre otọ agbọn ne ọ ye vbe Izrẹl ne emwa ruẹn ne uwẹ miẹnfan hin ọviẹn ọmwa ne iran do gha re emwa ruẹn. U ya egbe ruẹ hin usi, u keghi ru emwi ni kpọlọ kevbe ni yunnuan ne iran, vbene u na khulo avbe agbọn ẹvbo kevbe avbe ẹbọ iran kua hin odaro emwa ruẹn rre, vbene iran ya nana sikẹ odaro. Emwa ne uwẹ faẹn vbe irri vbe Igipt ne iran do khian ọwuẹ.

I Krọnikol 4:10

Sokpan, e Jabẹz keghi na erhunmwu ghe Osanobua Izrẹl wẹẹ, “Osanobua, fiangbe mwẹ ne u vbe mu otọe ne ọ kpọlọ mẹ. Yaba mwẹ ne u vbe rhie mwẹ lẹre hin obọ emwikemwi ne ọ gha si obalọ yọmwẹ egbe rre.” Osanobua keghi rhie emwi ne ọ na erhunmwu yi ne ẹẹn.

II Krọnikol 7:14

Adeghẹ iran na erhunmwu ghe mwẹ, iran na fi uyinmwẹ werriẹ, iran zobọ vbe emwi dan ne iran te ka ru, I gha họn urhu iran vbe ẹrinmwi I ghi ya orukhọ iran bọ iran I ghi dọlegbe ye otọ iran khian ne ọ maa.

Psalm 5:12

Wẹ ọ re ọ fiangbe iran ni họn ẹmwẹ ruẹn Nọyaẹnmwa. Ahoẹmwọmwa ruẹn ọ re ọ degue iran zẹ vbe asa.

Psalm 67:7

Osanobua fiangbe ima nẹ te emwa hia ni rre ehe hia gha ya ọghọ ne ẹẹn.

Ẹksọdọs 6:3

I rhie egbe ma Ebraham, Aizik kevbe Jekọb zẹ vbe Osanobua Ne Oghodua. Sokpan, I ma ya eni mwẹ ne ọ huanrẹn ighẹ Nọyaẹnmwa rhie egbe ma iran.

Aizaia 43:7

Emwa mwẹ ọ re iran khin. Te I yii iran ne iran gha re ọghomwẹ.”

Jerimaia 14:9

Vbọzẹ ne u na ye vbe ọmwa ne emwi yan ẹre unu uan, zẹ vbe ovbiyokuo ne ẹ i mwẹ ẹtin ne ọ gha ya ru iyobọ? Vbe ẹmwata, wẹ rrọọ yaba mwa, Nọyaẹnmwa emwa ruẹn ma khin, ghẹ he mwa yotọ.

Nọmbas 23:20

Erhunmwu ọre a we mwẹ na Osa gha na erhunmwu nẹ, mẹ i sẹtin kie ẹre werriegbe. Iran wewẹ wẹ irẹn ọre ọba iran.

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Diuteronomi 28:10

Ẹghẹ nii, emwa ni rre agbọn na hia ghi do miẹn wẹ te Nọyaẹnmwa zẹ uwa ne uwa gha re emwa obọ ẹre, ohan uwa ghi gha mu iran.