Nọmbas 6:25 - Edo Bible (E Baibol Ẹdo) Version 1996

²⁵ Te Nọyaẹnmwa gha tohan uwa ne ọ vbe gha ru uwa ẹse.

Nọmbas 6:25 ပူးပေါင်းရင်းမြစ်များ

Gẹnẹsis 43:29

Ugbẹn vbe Josẹf ghi bẹghe Bẹnjamin ne ovbiyẹe, ọ wẹẹ, “Ọtẹn uwa nokpia nekherhe ne uwa ta ẹmwẹ ọnrẹn ma mwẹ ọre ọ na khin? Te Osanobua gha fiangbuẹ ovbi mwẹ.”

Psalm 119:135

Ya a gu ọmwa rrọọ ọwuẹ fiangbe mwẹ, ne u ma mwẹ avbe uhi ruẹ.

Psalm 21:6

Afiangbe ruẹ gu ẹe rrọọ rhinrin ẹdẹ. Rẹn vuọn ne oghọghọ rhunmwuda wẹ gu ẹe rre evba.

Psalm 31:16

Ye aro itohan ghe ọguọmwadia ruẹ, ye ahoẹmwọmwa ruẹn ne ẹi beghe miẹn mwẹ fan.

Psalm 4:7

Sokpan, oghọghọ ne uwẹ rhie mẹ nẹ, kpọlọ sẹ ne iran gha sẹtin miẹn ẹdẹdẹmwẹdẹ, egbe ne iran rhe ya mwẹ ọka kevbe ayọn.

Psalm 67:1

Osanobua, tohan mwa, ne u vbe fiangbe ima ye aro itohan ghe mwa.

Psalm 80:19

Nọyaẹnmwa Osanobua Ne Oghodua viọ ima werriegbe rre rhie itohan ruẹn ma mwa a gha vbe miẹn mwa fan.

Psalm 80:7

Viọ ima werriegbe gha dee Osanobua Ne Oghodua rhie itohan ruẹn ma mwa a gha miẹn ima fan.

Psalm 86:16

Gbe bu mwẹ rre ne u tohan mwẹ, rhie orhiọn yọmwẹ iwu ne u miẹn mwẹ fan, rhunmwuda, mẹ ga uwẹ zẹ vbene iye mwẹ vbe ru.

Ẹksọdọs 33:19

E Nọyaẹnmwa keghi wanniẹn, “I gha gie uyi mwẹ hia gberra vbe odaro ruẹ, I ghi vbe tie eni mwẹ Nọhuanrẹn vbe odaro ruẹ. I gha mwẹ ekhọe agiẹngiẹn kevbe itohan ghe ne ọ khọn mwẹ.

Daniẹl 9:17

Osanobua họn erhunmwu kevbe erinmwian mwẹ. Dọlegbe rhie Ọgua Osa ruẹ ne iran dunmwu uan ye ihe, dọlegbe rhie ẹre ye ihe ne emwa hia miẹn ehe na rẹn ighe wẹ ọrọre Osanobua.

Malakai 1:9

Wa ne avbe ohẹn, wa hia ne uwa nọ Osanobua wẹ ne ọ gha ye obọ esi mu ima. E I họn erhunmwu uwa, obọ uwa ọ re ọ ye.

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.