Nọmbas 6:24 - Edo Bible (E Baibol Ẹdo) Version 1996

²⁴ “Te Nọyaẹnmwa gha fiangbe uwa ne ọ gha gbe aro ghe uwa.

Nọmbas 6:24 ပူးပေါင်းရင်းမြစ်များ

Gẹnẹsis 28:15

Yẹrẹro, I gha rrọọ yaba ruẹ, I ghi gha degue ruẹ vbe ehe ne u rhirhi a gha rrie, I ghi vbe dọlegbe rhie ruẹ gha die otọ na. Mẹ ira suẹ rae I te do ru avbe emwi ne I tama ruẹn na.”

II Samuẹl 7:29

Banbanna nian, lahọ, fiangbe uniẹn mwẹ ne iran gha miẹn aro ne ọ maa ruẹn khian ẹdẹ. Wẹ ne Nọyaẹnmwa ne Udazi, yan ọna yotọ nẹ, te afiangbe ruẹ ra gha rre uniẹn mwẹ egbe ẹdẹdẹmwẹdẹ.”

Psalm 134:3

Te Nọyaẹnmwa ne ọ yi ẹrinmwi kevbe agbọn, gha fiangbe uẹ ke Zaiọn rre.

Psalm 17:8

Degue mwẹ, zẹ vbene u gha ru aro ruẹ, rhie mwẹ lẹre, ye aghọnghọn ifuẹn ruẹn.

Psalm 28:9

Miẹn emwa ruẹn fan Nọyaẹnmwa ne u vbe fiangbe emwa ni re ọwuẹ. Gha re ọsuohuan iran, ne u vbe gha gbearoghe iran ẹdẹdẹmwẹdẹ.

Psalm 91:11

Osanobua gha rhie ruẹ ne avbe odibo ẹre rhie mwẹ, ne iran gha degue ruẹ vbe ehe ne u rhirhi a yo.

Aizaia 27:3

“Te imẹ khẹ ọre, I ghi vbe gha gbe amẹ khakhae vbe ẹghẹ hia. Te I khẹ ọre ke asọn kevbe avan, ne ọmwarhọkpa ghẹ ya rhia ẹre ua.

Aizaia 42:6

“Mẹ ne Nọyaẹnmwa ọ re ọ tie ruẹ, I na rhie ẹtin ne uẹn ne u miẹn wẹ a yinrin vbene ọ kere vbe otọ agbọn. Obọ ruẹ ọ re I ra la gu emwa hia ta ile obọ ruẹ ọ re I ra la rhie uwanmwẹ gie uhunmwu ẹvbo hia.

Daniẹl 9:17

Osanobua họn erhunmwu kevbe erinmwian mwẹ. Dọlegbe rhie Ọgua Osa ruẹ ne iran dunmwu uan ye ihe, dọlegbe rhie ẹre ye ihe ne emwa hia miẹn ehe na rẹn ighe wẹ ọrọre Osanobua.

Iyẹn ne ọ Maan Ọghe Jọn 17:11

Wanwanna nian, mẹ bu ruẹ dee, mẹ i ghi rre agbọn na sokpan iran ye rre agbọn na, Evbavba Ne Ọ Huanrẹn ya ẹtin eni ruẹn gbe ebe gue iran, eni ne u mu mẹ nii, ne iran miẹn ehe na gha re ọkpa zẹ vbe ne ima vbe ruẹ vbe re ọkpa.

I Kọrinti 14:16

A deghẹ orhiọn ruẹn ọkpa ọre u ya kpọnmwẹ Osanobua, vbe ọmwa kẹkan ne ọ deba ruẹ rre ugamwẹ gha ghi na gbe Isẹ hẹ ye erhunmwu ra ekpọnmwẹ ruẹn? Vbene ọ ra ya rẹn otọ ẹmwẹ ne u guan ẹ i rrọọ.

Ẹfisọs 6:24

Te ẹsọhẹ Osanobua gha gu emwa hia ni mwẹ aho ẹmwẹ ọmwa ne ẹ i worua ghe Nọyaẹnmwa Jesu Kristi gha rrọọ.

Filipai 4:23

Te ẹsọhẹ ọ ghe Nọyaẹnmwa Jesu Kristi gha gu uwa hia gha rrọọ.

Filipai 4:7

Te ọfumwegbe Osanobua, ne ọ gberra ne ọmwa ne agbọn gha sẹtin rẹn otọ ẹre gha rhie ekhọe kevbe orhiọn uwa mwẹ, vbe ne a i na mwẹ ẹbe vbe uwu Kristi Jesu.

I Tẹsalonaika 5:23

Te Osanobua ne ọ rhie ọfumwegbe ne ima gha wa ye uwa khian ọghọe fo, ne ọ rhie emwi ne uwa khin hia, egbe, ekhọe kevbe orhiọn uwa mwẹ vbe ne a i na mwẹ abe vbe oghẹ urremwẹ Nọyaẹnmwa Jesu Kristi.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

Ebe ne Jud gbẹẹn 1:24

Rọẹn ni ne ọ gha sẹtin da uwa yi ne uwa ghẹ de, ne ọ gha viọ uwa mudia vbe odaro uyi ẹre, zẹ vbe emwa ne ẹ i mwẹ ozan, kevbe ne ọ sẹ ọyẹnmwẹ.

Ebe Rut 2:4

E Boaz tobọ ẹre keghi ke Bẹtlẹhẹm rre, “Ọ keghi tue emwa iwinna wẹ Nọyaẹnmwa deba uwa.” Iran keghi wanniẹn wẹẹ, “Nọyaẹnmwa fiangbe uwẹ.”

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.