Nọmbas 6:23 - Edo Bible (E Baibol Ẹdo) Version 1996

²³ Ne ọ tama Errọn kevbe ivbi ẹre ne iran gha ya vbenian fiangbe ivbi Izrẹl.

Nọmbas 6:23 ပူးပေါင်းရင်းမြစ်များ

Gẹnẹsis 24:60

Iran kevbe na erhunmwu ne Ribẹka vbe nian wẹẹ, “Ọtẹn mwa, iye arriaisẹn arriaisẹn u gha khian! Te uniẹn ruẹn gha khọn ẹvbo eghian iran muotọ!”

Gẹnẹsis 47:10

E Jekọb keghi na erhunmwu ọ khian ẹdẹ hia ne Fero, ọ na kpao.

Gẹnẹsis 47:7

Ẹre Josẹf na rhie Jekọb ne erha ẹe do ma ọba, e Jekọb keghi fiangbe ọba.

Gẹnẹsis 48:20

Rhunmwuda ọnii, ọ keghi fiangbe iran ẹdẹ nẹdẹrriọ ọ wẹẹ, “Ivbi Izrẹl gha ya eni uwa gha na erhunmwu, iran gha kha wẹẹ, ‘Te Osanobua gha gie uwa gha yevbe Ifreim kevbe Manasẹ.’ ” Erriọ ọre ọ na rhie Ifreim kodaro ne Manasẹ.

I Ọba 8:55

Ọ keghi ya urhu ne ọ la nọọn afiangbe Osanobua ne iran ni si koko ye evba nii, ọ wẹẹ,

I Krọnikol 23:13

Ovbi ẹre ne ọdiọn ighẹ Amram ọrọre erha Errọn kevbe Mosis. (A keghi viọ Errọn kevbe uniẹn ọnrẹn ye obọkpa ne iran gha gbearoghe avbe emwi ni huanrẹn ẹdẹdẹmwẹdẹ, ne iran gha giẹn eturari, vbe ugamwẹ e Nọyaẹnmwa, ne iran gha ga ẹe, kevbe ne iran vbe gha ya eni e Nọyaẹnmwa fiangbe emwa ni.

II Krọnikol 30:27

Avbe ohẹn kevbe avbe Livai keghi na erhunmwu afiangbe e Nọyaẹnmwa ne emwa nii. Osanobua keghi họn erhunmwu iran vbe owa ẹre vbe ẹrinmwi, ọ keghi rhan obọ miẹn rẹn.

Ẹksọdọs 39:43

E Mosis keghi ghe emwi hia ne iran ru ghe, ọ keghi miẹn wẹ zẹ vbene Nọyaẹnmwa khare ọre iran wa ru ehia. E Mosis keghi na erhunmwu ne iran.

Nọmbas 6:22

E Nọyaẹnmwa keghi tama e Mosis,

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

I Kọrinti 1:3

Te Osanobua ne Erha mwa, kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.

Diuteronomi 21:5

Avbe ohẹn Livai ghi vbe gha rre evba rhunmwuda iran ọ re ọ gha bu ohiẹn uhi ne o dekan uyinmwẹ ikẹtin hia. E Nọyaẹnmwa Osanobua ọ re ọ zẹ iran ne iran gha ga irẹn, kevbe ne iran vbe gha ya eni irẹn fiangbe ọmwa.

Diuteronomi 33:1

Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.

Hibru 7:1

Mẹlkizẹdẹk ne a kha na, kegha re Ọba Salẹm, ọ keghi vbe gha re ohẹn ọghe Osanobua Ne ọ yo sẹ. Ugbẹn vbe Ebraham ghi ke ehe ne ọ na gbele avbe ọba isẹn dee, Mẹlkizẹdẹk keghi khian dekun ẹnrẹn, ọ na fiangbẹe.

Hibru 7:7

Agbọn hia rẹnrẹn ighẹ ọmwa ne ọ fiangbe ọmwa ọre ọ kpọlọ sẹ ọmwa ne ọ fiangbe.

Jọsua 8:33

Ivbi Izrẹl hia, kevbe avbe ọkaolotu iran, emwa iwinna iran kevbe iran ni bu ohiẹn deba avbe erriọvbe ni rre ehe ne iran ye, keghi tẹn lele obọ eveva ọghe Ẹkpẹti Ile Nọyaẹnmwa, iran na mu aro da avbe ohẹn e Livai ni mu ẹẹn. Obọ ọkpa vbe uwu avbe emwa nii keghi mudia viọ iyeke da Oke Gerizim kevbe obọ ọkpa na viọ iyeke da Oke Ebal. E Mosis ne ọguọmwadia e Nọyaẹnmwa ọ re ọ ka tama iran ne iran ru ẹe vberriọ vbe ẹghẹ a sẹ ne iran gha ya miẹn afiangbe.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.

II Jọn 1:3

Osanobua ne Erha, kevbe Jesu Kristi ne Ovbi Evbavba ne ọ rhie ẹsọhẹ itohan kevbe ọfumwegbe ne ima, ne ọ gele gha re ọghomwa vbe ẹmwata kevbe aho ẹmwẹ ọmwa.