Nọmbas 6:20 - Edo Bible (E Baibol Ẹdo) Version 1996

²⁰ Iyekọnii, ohẹn ghi ya ẹe zẹ ọhẹ kpataki gie Nọyaẹnmwa, izẹọhẹ ne ọ huanrẹn, ọghe ohẹn nọ, do deba ẹwẹe kevbe owẹ ogho nii, ne a wa rẹn wẹ ọghe ohẹn nọ. Iyeke ọnii, Agbihiagha nii sẹtin da ayọn.

Nọmbas 6:20 ပူးပေါင်းရင်းမြစ်များ

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Levitikọs 10:15

Iran gha viọ owẹ ọre kevbe ewẹn ọnrẹn rre zẹ vbe ọhẹ kpataki vbe ẹghẹ ne a ya mu ẹvbi ẹre gie Nọyaẹnmwa zẹ vbe izọhẹ evbare. Ehe ne a kha vbo na, wẹ vbe ivbi uẹ ọre ọ yan rẹn ẹdẹdẹmwẹdẹ zẹ vbene Nọyaẹnmwa khare.”

Levitikọs 23:11

Rẹn ghi mu ẹẹn gie Nọyaẹnmwa zẹ vbe ihako kpataki, ne a miẹn ehe na rhan obọ miẹn ruẹn. Ohẹn ghi ya ẹe zẹ ọhẹ vbe ẹdẹ nọ ọ lele ẹdẹ ikẹtin.

Levitikọs 7:30

Ọ ghi ya obọ ẹre viọ ẹre gha dee zẹ vbe izọhẹ evbare. Ọ ghi mu ẹvbi aranmwẹ nii kevbe ewẹn ọnrẹn, ọ ghi viọ ẹre gie Nọyaẹnmwa zẹ vbe ihaoko kpataki.

Levitikọs 7:31

Ohẹn ghi giẹn ẹvbi ẹre vbe aka, sokpan ohẹn ọ re ọ yan ewẹn ne ọ rrọọ.

Levitikọs 7:32

Owẹ ọre ne obọ erha ọmwa vbo, a ghi mu zẹ vbe oghae kpataki.

Levitikọs 7:34

Ẹwẹn ọnrẹn keghi re oko kpataki, owẹ obọ erha ọmwa rẹn keghi re oghae kpataki ne Nọyaẹnmwa miẹn ivbi Izrẹl re viọ ne avbe ohẹn. Ọna keghi re emwi ne ọ khẹke iran, ne ivbi Izrẹl gha mwẹ iran re, kevbe orre ya sẹ orre.

Levitikọs 9:21

Ọ keghi viọ ewẹn ọnrẹn kevbe owẹ obọ erha ọmwa rẹn zẹ vbe oko kpataki ne a rhie gie Nọyaẹnmwa vbe kpa avbe ohẹn zẹ vbene Mosis khare.

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Zẹkaraia 9:15

E Nọyaẹnmwa ne Oghodua gha degue emwa rẹn. Iran gha fuẹn eghian iran hia a. Iran gha davan vbe okuo zẹ vbe emwa ni wọn ohinrre. Iran gha gbe esagiẹn eghian iran ye otọ ọ ghi gha lẹ okpokpo zẹ vbe esagiẹn izọese ne a ke ọkpan rhurhẹ yan Ogiukpo.

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Nọmbas 18:18

Emiowo ni rrọ, ọwuẹ nọ, zẹ vbe ewẹn kevbe owẹ obọ erha ọmwa ọghe izẹọhẹ kpataki.

Nọmbas 5:25

ọ ghi ka mu irhuarhua ne a ya haoko rre nii hin okhuo nii obọ rre, ọ ghi tọn ẹn mu ghe odukhunmwu ya fi ohan ne Nọyaẹnmwa, ọ ghi ya ẹe zẹ ọhẹ ye aka.

Nọmbas 6:21

“Ilele ọghe avbe Agbihiagha ọre onii khin; sokpan, a deghẹ ọkpa vbe uwu iran ghi vbe yan ye emwi gberra ne a mwa yọ wẹ ne Agbihiagha gha zẹ, ọ ghi wa mu ẹẹn sẹ zẹ vbe ne ọ yan rẹn.”

Matiu 26:29

Ne I tama uwa, mẹ i ra dọlegbe da vbe ayọn na ọvbehe, ọ te sẹ ẹghẹ ne I gha ya guwa da ọghe ọgbọn ni vbe Arriọba Erha mwẹ.”

Iyẹn ne ọ Maan Ọghe Mak 14:25

Ne I tama uwa, mẹ i ra ghi da vbe ayọn na ọvbehe, ọ te do sẹ ẹdẹ ne I gha da ọghọgbọn vbe Arriọba Osanobua.”

Iyẹn ne ọ Maan Ọghe Jọn 19:30

Jesu ghi miẹn ayọn ni nẹ, ọ wẹẹ, “Ọ fo.” Ọ keghi vbokhọ ẹyaẹn ghe otọ ọ keghi kpan udu.