Nọmbas 6:15 - Edo Bible (E Baibol Ẹdo) Version 1996

¹⁵ Ọ ghi mu okhuae ọkpa ọghe ebrẹd ne a ma ya eyist le rre: ududu ebrẹd ne a ya irhuarhua ne a ya ofigbọn oliv gbe le, kevbe ebrẹd ne fẹrhẹfẹrhẹ ne a ya ofigbọn oliv lọọ, do deba inu ọka kevbe ayọn izẹọhẹ ne a ghi mwa yọ.

Nọmbas 6:15 ပူးပေါင်းရင်းမြစ်များ

Ẹksọdọs 29:2

U ghi vbe viọ ebrẹd ne ọ ma hue, ebrẹd ne eyist i ye kevbe ebrẹd eso ne a ye ofigbọn oliv ru, kevbe ebrẹd nọ ma hue ne parha ne a tu ofigbọn yan. Igharhuarhua ọghe ọka irhuarhua ne ọ wa ma ọre a gha ya ru ẹe.

Aizaia 62:9

Sokpan, wẹ ne ọ kọe, ne ọ vbe rhọ ọka nii ẹre ọ gha vbe rri ebrẹd ẹre, u ghi rho e Nọyaẹnmwa, wẹ ne ọ gbearoghe ne u na kọlọ azara nii ọ re ọ gha vbe da ayọn ẹnrẹn vbe ore Ọgua Osa mwẹ.”

Joẹl 1:13

Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.

Joẹl 1:9

Ayọn ra ọka ne a ya mu ohan vbe Ọgua Osa i ghi rrọọ; avbe ohẹn gha khiẹ, rhunmwuda iran i miẹn emwi ya ha oko gie Nọyaẹnmwa.

Joẹl 2:14

Ughaghe, e Nọyaẹnmwa ne Osanobua rua gha fi ekhọe werriẹ, ọ ghi ye emwiokọ nibun ru uwa ẹse. Ẹghẹ nii, wa ghi vbe ha oko ọka kevbe ayọn gie ẹe.

Levitikọs 2:4

A deghẹ ebrẹd ne a ru vbe aroewu nọ ighẹ nene emwi izọese nii, a ghẹ rhie eyist yọ. Ọ sẹtin gha re ebrẹd ne ọ mwẹ imi ne a ya irhuarhua ne a ye ofigbọn ọliv gbe, ra ne fẹrhẹfẹrhẹ ne a ye ofigbọn ọliv woo.

Levitikọs 7:12

Ọmwa gha zẹ ọhẹ na do ya kpọnmwẹ Osanobua, ọ ghi mu ebrẹd ne a ma ye eyist gbe lele aranmwẹ nii gha dee, ọ sẹtin gha re ududu ne a ya irhuarhua ne a ya ofigbọn ọliv gbe ru, ra ne fẹrhẹfẹrhẹ ne a ya ofigbọn woo, ra ebrẹd ne a ya irhuarhua ne a ya ofigbọn ọliv gbe ru.

Levitikọs 8:2

“Rhie Errọn kevbe ivbi ẹre gha rrie onurho Owa Ukpọn Ile, u ghi vbe viọ avbe ẹwu ohẹn rre, ofigbọn ne a sa ye emwa uhunmwu, ovbi ẹkhuia ẹmila ne a ra ya zọ ese orukhọ, ogho eveva ke ẹe kevbe okhuae ebrẹd ne ọ ma hue.

Levitikọs 9:4

Ẹkhuia ọkpa kevbe ogho ọkpa, ọghe izọhẹ isara. Iran ghi ya iran zọ ese ghe Nọyaẹnmwa ba emwi izọese ọka ne a ya ofigbọn gbe. Tama iran ne iran ru ọna rhunmwuda e Nọyaẹnmwa gha rhie egbe maa iran ẹrẹna.”

Nọmbas 15:10

a ghi viọ ọgọ ayọn enẹ lelẹe. Uwinhinmwẹ izẹ ọhẹ vbenian wa yẹ Nọyaẹnmwa.

Nọmbas 6:16

“Ohẹn ghi viọ ẹre bu e Nọyaẹnmwa gha dee, ọ ghi zọ ese orukhọ kevbe ese na giẹn uan.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

I Kọrinti 11:26

Rhunmwuda ẹghẹikẹghẹ ne uwa a rhirhi ya rri ebrẹd na, wa na vbe wọn vbe ukpu na rhinrin Nọyaẹnmwa te do rre, uwu ẹre ọre uwa rhie wewe.