Nọmbas 5:26 - Edo Bible (E Baibol Ẹdo) Version 1996

²⁶ Ọ ghi zẹ uguobọ ọkpa vbọ zẹ vbe ihanna ọghe ihaoko, ọ ghi giẹn ọnrẹn uan vbe aka, vbe okiekie ehia, ọ ghi mu amẹ nii ne okhuo nii wọn.

Nọmbas 5:26 ပူးပေါင်းရင်းမြစ်များ

Levitikọs 2:2

Ọ ghi mu ẹẹn bu ohẹn Errọn gha dee. Ohẹn ne ọ ru ugamwẹ ghi zẹ uguobọ ọkpa irhuarhua nii, ọ ghi giẹn ọnrẹn uan vbe aka ne a ya rhie ma wẹ te a ya ẹe zọ ese ghe Nọyaẹnmwa. Uwinhinmwẹ emwi ihaoko evbare vbenian yẹ Nọyaẹnmwa.

Levitikọs 2:9

Ohẹn ghi rhie ekherhe vbọ zẹ vbe ama wẹ a ya ehia ha oko gie Nọyaẹnmwa nẹ, ọ ghi giẹn ọnrẹn vbe aka. Uwinhinmwẹ emwi ihaoko evbare vbenian yẹ Nọyaẹnmwa.

Levitikọs 5:12

Ọ ghi mu ẹẹn bu ohẹn gha dee, rẹn ghi zẹ uguobọ ọkpa vbọ zẹ vbe ama wẹ te a ya ẹe zẹ ọhẹ gie Nọyaẹnmwa, ọ ghi giẹn ọnrẹn ruan vbe aka zẹ vbe izọ ese evbare. Ese ne a zọre ne ọ kpe orukhọ kua nọ.

Levitikọs 6:15

Ọ ghi zẹ uguobọ ọkpa ọghe irhuarhua nii kevbe ofigbọn kevbe eturari hia, ọ ghi giẹn ọnrẹn vbe aka zẹ vbe ama wẹ e Nọyaẹnmwa ọ re a ya ẹe zẹ ọhẹ gie, uwinhinmwẹ izọese vbenian yẹ e Nọyaẹnmwa.

Nọmbas 5:25

ọ ghi ka mu irhuarhua ne a ya haoko rre nii hin okhuo nii obọ rre, ọ ghi tọn ẹn mu ghe odukhunmwu ya fi ohan ne Nọyaẹnmwa, ọ ghi ya ẹe zẹ ọhẹ ye aka.