Nọmbas 5:25 - Edo Bible (E Baibol Ẹdo) Version 1996

²⁵ ọ ghi ka mu irhuarhua ne a ya haoko rre nii hin okhuo nii obọ rre, ọ ghi tọn ẹn mu ghe odukhunmwu ya fi ohan ne Nọyaẹnmwa, ọ ghi ya ẹe zẹ ọhẹ ye aka.

Nọmbas 5:25 ပူးပေါင်းရင်းမြစ်များ

Ẹksọdọs 29:24

U ghi viọ evbare na hia ye Errọn kevbe ivbi ẹre obọ, u ghi wẹ ne iran ya ẹe fiohan vbene a gha na wẹ ne iran niẹn rẹn ladian zẹ vbe emwi izọhẹ gun mwẹ.

Levitikọs 8:27

Ọ keghi viọ evbare na hia ye Errọn vbe ivbi ẹre obọ, iran keghi viọ ẹre gie Nọyaẹnmwa, zẹ vbe emwi izọhẹ kpataki.

Nọmbas 5:15

Ne ọ rhirhi gha khin vbe iran eva, okpia ni ghi rhie amwẹ ọnrẹn bu ohẹn gha khian ọ ghi vbe viọ emwi ihaoko ne a mwa yọ mwẹ, uwan irhuarhua eva, sokpan ne ọ ghẹ sa ofigbọn oliv yọ ra ne ọ rhie eturari yọ, rhunmwuda ẹmwẹ a mu idandan vbe emwi ọ na khin, ne a miẹn ehe na rẹn ẹmwata ne ọ rrọọ.

Nọmbas 5:18

Iyeke ọnii, ọ ghi rhan okhuo ni eto, ọ ghi mu irhuarhua ne a ya ha oko nii ye ọre obọ. Ohẹn ghi mu ọkpan ne amẹ nọ rriara ne ọ fi emwi unu, mwẹ obọ.

Nọmbas 5:24

Vbe ohẹn te wẹ ne okhuo nii wọn amẹ nii, ne ọ miẹn ehe na la ẹre egbe ya si obalọ ne ọ rriara ye ọre egbe,

Nọmbas 5:26

Ọ ghi zẹ uguobọ ọkpa vbọ zẹ vbe ihanna ọghe ihaoko, ọ ghi giẹn ọnrẹn uan vbe aka, vbe okiekie ehia, ọ ghi mu amẹ nii ne okhuo nii wọn.