Nọmbas 5:23 - Edo Bible (E Baibol Ẹdo) Version 1996

²³ Ohẹn ghi gbẹnnẹ ihẹn na ye emwi, ọ ghi ya amẹ kpẹe mu ye ọkpan amẹ orriara nii.

Nọmbas 5:23 ပူးပေါင်းရင်းမြစ်များ

II Krọnikol 34:24

avbe iyẹn na ma rẹn vbene e Nọyaẹnmwa khare wẹẹ, “Avbe ihẹn ne a gbẹnnẹ ye ebe ne a tie ma ruẹn ni, te I ra ya ehia rri e Jerusalẹm kevbe emwa ni rrọọ oya.

Job 31:35

“A i miẹn ne ọ gha danmwehọ ẹmwẹ ne I guan ra? I vẹn ihẹn adeghẹ ẹ i re ẹmwata ehia khin. Gie Osanobua ne Udazi zẹ ẹmwẹ wanniẹn mwẹ. “Akpawẹ te a gbẹnnẹ ehia ye otọ nian, ighẹ ifi ẹzọ ne iran ni gunmwẹ gui ba mwẹ re, ne I miẹn ehe na gha bẹghe iran,

Psalm 51:1

Tohan mwẹ Osanobua rhunmwuda ahoẹmwọmwa ruẹn ne ẹ i beghe rhunmwuda itohan ruẹn ne ọ kpolo khiẹn orukhọ mwẹ nibun hin rre.

Psalm 51:9

Rhie aro hin orukhọ mwẹ rre, ne u vbe khiẹn emwi dan mwẹ hia hin rre.

Ẹksọdọs 17:14

Ẹre Nọyaẹnmwa na tama e Mosis wẹẹ, “Gbẹn emwi na ye ebe ne a miẹn ehe na gha ye ẹre rre. Tama Jọsua wẹẹ I gha wa fuẹn Amalẹk fo fẹẹrẹ.”

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Nọmbas 5:22

Te amẹ na gha la ruẹ ẹko, ne ọ ya ẹe hue ladian ne ọ vbe gie ẹgẹn ruẹn kpero.” Okhuo ni ghi wanniẹn wẹẹ, “I khuẹn niẹn yọ, te Nọyaẹnmwa gha ru ẹe vberriọ.”

Nọmbas 5:24

Vbe ohẹn te wẹ ne okhuo nii wọn amẹ nii, ne ọ miẹn ehe na la ẹre egbe ya si obalọ ne ọ rriara ye ọre egbe,

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

Diuteronomi 31:19

“Banbanna nian, gbẹn ihuan na ye otọ. Ma ivbi Izrẹl re, ne ọ gha re osẹe mwẹ ghe iran.

Arhie Maan 20:12

I keghi bẹghe emwa ni wulo nẹ ke ni kpọlọ kevbe ni kanmwa, ehia mudia ye odaro ẹkete nii. Iran kegha we ebe, a keghi vbe we ebe ọvbehe, ebe emwa ni ma he wu. A keghi bu ohiẹn avbe eniwulo nẹ zẹ vbene emwi ne iran ru ue, zẹ vbene a gbẹn ọẹn ye ebe ni.