Nọmbas 5:22 - Edo Bible (E Baibol Ẹdo) Version 1996

²² Te amẹ na gha la ruẹ ẹko, ne ọ ya ẹe hue ladian ne ọ vbe gie ẹgẹn ruẹn kpero.” Okhuo ni ghi wanniẹn wẹẹ, “I khuẹn niẹn yọ, te Nọyaẹnmwa gha ru ẹe vberriọ.”

Nọmbas 5:22 ပူးပေါင်းရင်းမြစ်များ

Psalm 109:18

Te ihẹn ne a tie ghi gua ẹre obọ ro, zẹ vbe ne ẹwu ne ọ yọ ye ne ẹẹn; te ihẹn ne ọ tie gha rọn la ẹre egbe zẹ vbe amẹ; kevbe la uwu ugboloko ẹre zẹvbe ofigbọn!

Psalm 41:13

Wa rho e Nọyaẹnmwa, ne Osanobua Izrẹl. Rho ẹre nian kevbe ẹdẹdẹmwẹdẹ. Isẹ! Isẹ!

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Psalm 89:52

Wa rho Nọyaẹnmwa ẹdẹdẹmwẹdẹ! Isẹ! Isẹ!

Itan 1:31

Rhunmwuda ọnii nian, wa miẹn emwi ne ọ ke ne uwa, uyinmwẹ uwa ọ re ọ ra si emianmwẹ ye uwa egbe.

Ezikiẹl 3:3

Ọ wẹẹ “Ovbi ọmwa, rri ebe ohian ne I rhie nuẹn na, yae vuọn ẹko ruẹ.” I keghi rrii ọe, ọ kegha rhiẹnrhiẹn zẹvbe owọn.

Nọmbas 5:23

Ohẹn ghi gbẹnnẹ ihẹn na ye emwi, ọ ghi ya amẹ kpẹe mu ye ọkpan amẹ orriara nii.

Nọmbas 5:27

A deghẹ okhuo nii gele ghẹ, amẹ nii gha si obalọ orriara, ye ọre egbe, ẹko ẹre ghi hue, ẹgẹn ọnrẹn ghi kpero, eni ẹnrẹn ghi khian ne a ya tie ihẹn vbe ẹbu emwa rẹn.

Iyẹn ne ọ Maan Ọghe Jọn 3:11

Ẹmwata ne ẹmwata ọre I tama ruẹn, emwi ne ima rẹnrẹn ọre ima guan yan, emwi ne aro mwa sẹ ọ re ima ta, sevba, ne ọ ho ne ọ rhie ẹmwẹ mwa, ẹ i rre uwu uwa.

Iyẹn ne ọ Maan Ọghe Jọn 3:3

Jesu wanniẹn wẹẹ, “Ẹmwata ne ẹmwata ọre I tama ruẹn, ọmwa ne ọ gha sẹtin miẹn Arriọba Osanobua ẹ i rrọọ deghẹ i re te a dọlọ ẹe biẹ.”

Iyẹn ne ọ Maan Ọghe Jọn 6:53

Jesu tama iran wẹẹ, “Ẹmwata ọre I tama uwa, vbe ẹ i re te uwa rri efun egbe Ovbi Ọmwa ne uwa vbe wọn esagiẹn ọnrẹn, wa i sẹtin gha mwẹ arrọọ vbe uwu uwa.