Nọmbas 5:21 - Edo Bible (E Baibol Ẹdo) Version 1996

²¹ Te Nọyaẹnmwa gha ya eni ruẹn khian ne a fi ẹre unu vbe uwu ẹbu avbe emwa, te ọ gha gie ẹgẹn ruẹn kpero ne ẹko ruẹ hue ladian.

Nọmbas 5:21 ပူးပေါင်းရင်းမြစ်များ

II Krọnikol 21:15

Wẹ tobọ ruẹ gha khuọnmwi emianmwẹ ẹko ne ọ wegbe ne ọ ra gha rhia yọ ẹdẹgbegbe.”

Nehimaia 10:29

Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Aizaia 65:15

Emwa mwẹ ne a hannọ zẹ gha ya eni uwa gha mu ẹbọ gbe emwa, Mẹ ne Nọyaẹnmwa ne Udazi ọ re ọ ra gbele uwa a. Sokpan, I gha he iran ni họn ẹmwẹ mwẹ eni ọgbọn.

Jerimaia 29:22

Emwa ne a viọ ẹre oghunmwu kpao vbe Jerusalẹm gha rrie Babilọn gha ra tie ihẹn ne ọmwa, iran ghi kha wẹẹ, ‘Te Nọyaẹnmwa gha ru uẹ vbene ọ ru e Zedekaia kevbe Ehab, ne ọba e Babilọn tọẹn vbe erhẹn ke iran kevbe ẹmwẹ ne unu!

Nọmbas 5:27

A deghẹ okhuo nii gele ghẹ, amẹ nii gha si obalọ orriara, ye ọre egbe, ẹko ẹre ghi hue, ẹgẹn ọnrẹn ghi kpero, eni ẹnrẹn ghi khian ne a ya tie ihẹn vbe ẹbu emwa rẹn.

Matiu 26:74

Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ.

Jọsua 6:26

Vbe ẹghẹ na, e Jọsua keghi wa yan tama iran wẹẹ: “Ọmwaikọmwa ne ọ gha ye wẹ ne irẹn dọlegbe họ ẹvbo na, ihẹn ọghe Nọyaẹnmwa gha rre ọre uhunmwu. “Ọmwa ne ọ gbe ẹyotọ ẹre, ovbi ẹre ne okpia ne ọdiọn gha wu ẹe ọmwa ne ọ bọ onurho ẹre, ovbi ẹre ne okpia ne ọ kotọ gha wu ẹe.”

I Samuẹl 14:24

Vbe ẹdẹ ne a kha na, ohanmwẹ keghi wọ ivbi Izrẹl egbe, rhunmwuda, e Sọl ya eyan ne ọ ke ekhọe rre tama emwa hia wẹẹ, “Emwi ọ gha rruan ọmwaikọmwa ne ọ rri evbare ẹrẹna I te do rria ikhi vbe egbe avbe eghian mwẹ.” Ọ re a na miẹn wẹ, ọmwa rhọkpa ma he rri evbare ẹdẹ nẹdẹrriọ hia.