Nọmbas 5:15 - Edo Bible (E Baibol Ẹdo) Version 1996

¹⁵ Ne ọ rhirhi gha khin vbe iran eva, okpia ni ghi rhie amwẹ ọnrẹn bu ohẹn gha khian ọ ghi vbe viọ emwi ihaoko ne a mwa yọ mwẹ, uwan irhuarhua eva, sokpan ne ọ ghẹ sa ofigbọn oliv yọ ra ne ọ rhie eturari yọ, rhunmwuda ẹmwẹ a mu idandan vbe emwi ọ na khin, ne a miẹn ehe na rẹn ẹmwata ne ọ rrọọ.

Nọmbas 5:15 ပူးပေါင်းရင်းမြစ်များ

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

Ezikiẹl 21:23

Ivbi e Jerusalẹm i ra ya ẹmwẹ na yi rhunmwuda ebe ne iran gu emwa rhie obọ yi. Sokpan, a ta yotọ ọghe emwi ne ọ dee na, te a wẹ ne a ya ye iran orukhọ iran rre, kevbe wẹ ne a tae ma iran yotọ ighe obọ gha vba iran ya munọ.

Ezikiẹl 29:16

Izrẹl i ghi ra dọlegbe mu ẹtin yan iran wẹ ne iran do ru iyobọ ne iran. Emwi ne ọ rruan Igipt gha rhie ma ivbi Izrẹl wẹ emwi ne ọ ma gba nọ ne a te mu ẹtin yan iran. Ẹghẹ nii, Izrẹl gha rẹn wẹ mẹ ọrọre Nọyaẹnmwa ne Udazi.”

Hozia 3:2

Rhunmwuda ọnii, I keghi ya hae agiẹghẹ esiliva ekesugie kevbe adanna okhuae ọka igabari ihinrọn ne I ya dẹ ọe.

Levitikọs 1:2

“Ne ivbi Izrẹl gha rhie obọ lele ẹe vbe iran a gha zọ ese. Omwa gha ra zọ ese aranmwẹ, ọ sẹtin gha re ọkpa vbe uwu ẹmila ẹre ra ohuan rẹn ra ewe ẹre.

Levitikọs 2:1

“Omwa gha yo imuohan ọka gie Nọyaẹnmwa, ọ ghi ka dunmwu ẹre irhuarhua nẹ, ọ ghi sa ofigbọn ọliv kevbe eturari ba ẹre.

Levitikọs 5:11

“A deghẹ obọ ọmwa ma gba idu eva ra elikhukhu eva, ọ ghi mu uwan irhuarhua ọkpa rre ne ọ ya zọ ese ye orukhọ. We ne ọ ghẹ sa ofigbọn ọliv yọ ra eturari, rhunmwuda ẹ i re izọhẹ ọghe ọka sokpan izọhẹ orukhọ nọ.

Nọmbas 5:16

Ohẹn ghi rhie okhuo nii ladian, ọ ghi rhie ẹre mudia ye odaro e Nọyaẹnmwa.

Hibru 10:3

Sokpan, vbene ọ ghi ye na nian, te ese ne a zọọ nii ghi ye emwa ẹmwẹ orukhọ iran rre, ke ukpo dinna ukpo.