Nọmbas 4:33 - Edo Bible (E Baibol Ẹdo) Version 1996

³³ Enena ọrọre iwinna ni re ọghe ẹwae Merari vbe ugamwẹ iran vbe uwu Owa Ukpọn Ile; Itama ne ovbi Errọn ne ohẹn ọre ọ gha gie odẹ ma iran vbene iran gha ru ẹe hẹ.

Nọmbas 4:33 ပူးပေါင်းရင်းမြစ်များ

Ẹksọdọs 38:21

Vbene a ka ẹe hẹ ighẹ ẹrọnmwọ ne a lo ro vbe Ehe Nọhuanrẹn vbe Owa Ukpọn ehe ne Nọyaẹnmwa ye ọ re ena khin, ehe ne a viọ avbe uhanhan ne a gbẹnnẹ uhi Igbe yi e Mosis ọre ọ ta ẹe vbene a gha ru ẹe hẹ, avbe Livai keghi ru ẹe vbene Itama, ne ovbi Errọn ne ohẹn na gha ma iran re vbene a gha ru ẹe hẹ.

Aizaia 3:6

Ẹghẹ dee, ne emwa ni rre ẹwae ọkpa gha na zẹ ọkpa vbe uwu iran, iran ghi tama rẹn wẹẹ, “Wẹ vbe miẹn ukpọn gha rhie rhuan hiehie, rhunmwuda ọnii, do gha re ọkaolotu ima vbe ẹghẹ ọlọghọmwa na.”

Nọmbas 4:28

Ena ọrọre iwinna ni kan ivbi e Gẹsiọn vbe uwu Owa Ukpọn Ile. Itama, ne ovbi Errọn ne ohẹn ọ re ọ gha giodẹ ma iran vbene iran gha ru ẹe hẹ.

Nọmbas 4:32

deba ọkpọ, ẹzi ogba kevbe okun ọghe ọlẹga Owa Ukpọn nii, kevbe emwi hia ne a ghi ya mu ẹẹn mudia, a ghi ya eni dọmwadẹ ọghe ọe gha emwi ne ọ gha mu nẹ.

Nọmbas 4:34

E Mosis, Errọn kevbe avbe olotu emwa Izrẹl keghi ka ẹwae avbe Livai eheha, e Kohat, e Gẹsiọn kevbe Merari vbe ẹgbẹe ọkpọkpa, zẹ vbene Nọyaẹnmwa tama iran, ọ keghi gbẹnnẹ eni ikpia ni rre ukpo ọgban ya sẹ ekigbe siyeha, emwa ni kere ni gha winna vbe Owa Ukpọn Ile, vbe nian: Ikpẹdẹ Ẹwae E Kohat ekigbesiyeha irrọvbe uri enẹ yan arriaisẹn eva (2,750) E Gẹsiọn ọgban yan uri eha yan arriaisẹn eva (2,630) E Marari uri yan arriaisẹn eha (3,200). Ehia kegha re ugie-irrọvbe arria eha ya arriaisẹn erẹnrẹn (8,580)

Nọmbas 7:8

Okotọ enẹ kevbe ẹkhuia ẹmila erẹnrẹn ne avbe Merari. Itama ne ovbi Errọn ọre ọ gha giodẹ iwinna ne iran gha winna ma iran.

Jọsua 3:6

Ẹre Jọsua na tama avbe ohẹn wẹẹ ne iran tọn Ẹkpẹti Ile nii mu ne iran ke odaro ne avbe emwa nii. Iran keghi ru vbene ọ khare.