Nọmbas 4:15 - Edo Bible (E Baibol Ẹdo) Version 1996

¹⁵ Ọ gha sẹ ẹghẹ ne a ya si kpao vbe agọ, ivbi e Kohat ghi do viọ avbe emwi nihuanrẹn nii, iyeke vbe avbe ivbi ẹre a ghi ya emwi gue ehia kevbe emwi ne a lo ba iran fo nẹ. Wẹ ne ivbi e Kohat ghẹ ye obọ kan emwi nihuanrẹn ni ne iran ghẹ wulo. “Iwinna ne ọ kan ivbi e Kohat vbe ẹghẹ ne a rhirhi ya si vbe agọ ọre ena khin.

Nọmbas 4:15 ပူးပေါင်းရင်းမြစ်များ

II Samuẹl 15:24

E Zadọk kegha rre evba deba ivbi e Livai ni mu Ẹkpẹti Ile ne ọ huanrẹn. Iran keghi mu ẹẹn ye otọ, emwa hia te do kpao hin ore ẹvbo rre. Abiata keghi vbe gha rre evba.

II Samuẹl 6:13

Iran ni mu Ẹkpẹti Ile nii ghẹ ghi vbe zẹ owẹ ehan, e Devid ghi ya ẹkhuia ẹmila kevbe ohuan ne ọ tii zọ ese ghe Nọyaẹnmwa.

I Ọba 8:3

Avbe ọkaolotu ni hia ghi si egbe koko nẹ, avbe ohẹn keghi mu Ẹkpẹti Ile nii.

I Krọnikol 15:15

Avbe Livai keghi ya erhan dada ẹe vbe izabọ zẹ vbene Nọyaẹnmwa la unu e Mosis tae.

I Krọnikol 15:2

Ẹre irẹn na kha wẹẹ, “Avbe Livai ọkpa ọ re ọ ra gha mu Ẹkpẹti Ile rhunmwuda, iran ọ re Nọyaẹnmwa zẹe ne ọ gha mu ẹẹn, ne iran vbe gha winna ne irẹn ẹdẹdẹmwẹdẹ.”

I Krọnikol 23:26

Rhunmwuda ọnii nian, a i ghi vbe wẹ ne avbe livai gha dada Ẹkpẹti Ile ne a ya rẹn ighẹ Nọyaẹnmwa rre evba, kevbe avbe emwi hia ne a lo vbe ugamwẹ.”

Ẹksọdọs 19:12

U ghi yi uwu lẹga oke nii ne emwa na, u ghi tama iran wẹ ne iran mwẹ ẹwaẹn ne iran ghẹ hin oke nii ra ne iran ya obọ kan ẹzi ẹre. A deghẹ ọmwaikọmwa ya obọ kan rẹn, te a ra gbe ẹe rua.

Ẹksọdọs 19:21

E Nọyaẹnmwa tama e Mosis wẹẹ, “Tuorre, ya tama emwa nii ne iran ghẹ fian uwu gberra ghe edinran wẹ iran ra do ghe mwẹ, ne nibun vbe uwu iran ghẹ ya wulo.

Ẹksọdọs 27:7

Wẹ ghi fi ẹe la ẹgba ni rre efẹn aka nii vbe a khian muẹn.

Levitikọs 16:13

Evba nii i, ọ ghi viọ eturari nii ye erhẹn vbe odaro Nọyaẹnmwa, ighogho eturari nii gha degue ugue Ẹkpẹti Ile nii ne ọ ghẹ miẹn ehe na dẹghe ẹre, ne ọ ghẹ ya wu.

Nọmbas 1:50

Ne u gha na te ru vberriọ, u ghi viọ avbe Livai ye ni gbe aro ghe Owa Ukpọn Ile kevbe avbe emwi ne a lo vbọ hia. Iran ọre ọ khian gha dadae ke ẹe kevbe emwi ne a lo vbọ, iran ghi gha ga vbọ, iran ghi vbe bọlọ agọ iran lẹga ẹre.

Nọmbas 1:51

Wa gha si kpao vbe agọ, avbe Livai ọre ọ gha fannọ Owa Ukpọn nii, iran ghi vbe ya bọ ẹe vbe agọ ne ọgbọn. Ọmwa ọvbehe rhọkpa gha sikẹ Owa Ukpọn nii, a ghi gbe ẹe rua.

Nọmbas 10:21

Iyeke ọnii, ẹwae Kohat ne ọ mu avbe emwi nihuanrẹn, ghi si okhian, vbe iran ghi te sẹ agọ nọkpa, iran gha vbe werriegbe bọ agọ nẹ.

Nọmbas 18:3

Iran ghi winna iwinna ne ọ kan ruẹn fo kevbe emwi ne ọ bi ye iran egbe vbe ẹmwẹ Owa Ukpọn, sokpan, a ghẹ gie iran ya obọ kan avbe emwi iruemwi ni rre Ehe Ne ọ huanrẹn ra aka. Iran gha ru ẹe, a gha gbele uwẹ kevbe iran an.

Nọmbas 3:38

E Mosis kevbe Errọn kevbe avbe ivbi ẹre ghi bu agọ iran ye asefẹn ahọ ọghe Owa Ukpọn Ile. Iran ọ yan iwinna ne a winna vbe uwu Ehe Ne ọ huanrẹn ne ivbi Izrẹl. Ọmwa ọvbehe ne ọ rhirhi danmwẹ ọẹn ghe ne ọ ru ẹe, a ghi gbẹe rua.

Nọmbas 4:14

A ghi do viọ emwi hia ne a ya ru ugamwẹ vbe aka yọ: ọkpan iwaẹnrhẹn, adẹn, ovbẹvbẹ kevbe avbe ọkpan, iran ghi do mu ohian ne mose rhu ẹe iran ghi baba ọkpọ ne a ya muẹn yọ.

Nọmbas 4:19

rhunmwuda ighẹ iran sikẹ emwi iruemwi gbe. Ne ọna ghẹ miẹn ehe na sunu, Errọn kevbe ivbi ẹre ghi la owa ya gha wa iwinna ne iran, ọ ghi tama rẹn emwi ne ọ gha mu.

Nọmbas 4:20

Sokpan deghẹ ivbi e Kohat la Owa Ukpọn iran na ya miẹn vbe avbe ohẹn gbalọ avbe emwi ni huanrẹn vbe ne a ra na si kpao, iran gha wulo.”

Nọmbas 7:9

Sokpan e Mosis ma viọ okotọ kevbe ẹkhuia ẹmila ne avbe Kohat rhunmwuda izabọ iran ya he avbe emwi nihuanrẹn ne a viọ ne iran gha gbe aro ghe.

Diuteronomi 31:9

Ẹre Mosis na gbẹnnẹ avbe uhi Osanobua ye otọ, ọ na mu ne avbe ohẹn Livai ni siẹn ro Ẹkpẹti Ile ọghe Nọyaẹnmwa kevbe avbe ọkaolotu Izrẹl.

Jọsua 4:10

Avbe ohẹn keghi mudia ye adesẹneva Jọdan a te do miẹn wẹ a ru emwi hia ne Nọyaẹnmwa tama e Jọsua wẹ ne ọ tama iran ne iran ru. Erriọ e Mosis tae. Emwa nii ke zẹgiẹgiẹ fian e Jọdan rra.

I Samuẹl 6:19

E Nọyaẹnmwa keghi gbele ivbi Bẹt Siemẹs eso rhunmwuda iran kegha ghe uwu Ẹkpẹti Ile nii, ọ keghi gbele arhin ekigbe sẹ iyenẹ vbe uwu iran. Emwa nii keghi khiẹ, rhunmwuda ne eso na wulo vbe uwu iran.