Nọmbas 36:7 - Edo Bible (E Baibol Ẹdo) Version 1996

⁷ Emwi ne ivbi Izrẹl mwẹ hia, ẹwae iran ọ re ọ kere na ọ gha ye.

Nọmbas 36:7 ပူးပေါင်းရင်းမြစ်များ

I Ọba 21:3

E Nabot keghi wanniẹn tama rẹn wẹẹ, “Obọ avbe erha mwẹ odede ọ re I na rri ugbo na vbe ukhu. Osanobua ghẹ gun mwẹ mu ẹẹn ne uẹn.”

Nọmbas 36:8

Okhuo ne ọ rhirhi rri ukhu vbe ẹwae Izrẹl, uwu ẹwae nii ọre ọ gha na vbe gha zẹ ọdọ ne ọ ogha rọnmwẹ. Odẹ vbe nian; iybi Izrẹl gha sẹtin gha rriukhu avbe erha iran odede.

Nọmbas 36:9

Avbe emwi i ghi ra kpao vbe obọ ẹwae ọkpa la ọvbehe. Dọmwadẹ ẹwae ghi gha re ne ọ yan emwi ẹnrẹn.”

Jọsua 24:28

Ẹre Jọsua ghi na zẹ emwa ni urrie, dọmwadẹ ọghọe keghi gha rrie obọ ọghọe vbe otọe nii.

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.