Nọmbas 35:34 - Edo Bible (E Baibol Ẹdo) Version 1996

³⁴ Wa ghẹ mu awua ye otọ ne uwa ye, rhunmwuda mẹ ne Nọyaẹnmwa deba ẹre, te imẹ rre uwu ẹbu ivbi Izrẹl.

Nọmbas 35:34 ပူးပေါင်းရင်းမြစ်များ

I Ọba 6:13

I ghi gu ivbi Izrẹl ne emwa mwẹ gha rrọọ vbe uwu Ọgua Osa na ne u bọ khian na, mẹ I ra vbe he iran ye otọ ẹdẹ.”

Psalm 132:14

“Ehe ne I ra gha ye ẹdẹdẹmwẹdẹ ọ re ọna khin, ehe ne I ho ne I na gha khaemwisẹ nọ.

Psalm 135:21

Wa rho e Nọyaẹnmwa vbe Zaiọn, vbe Jerusalẹm ne owa ẹre. Wa rho e Nọyaẹnmwa!

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 8:12

“Ghẹ deba uma ne avbe emwa nii si, ghẹ vbe mu ohan emwi ne iran mu ohan ẹnrẹn.

Jerimaia 16:18

I gha ye iran ha osa ukhukhu eva ye orukhọ kevbe uyinmwẹ dan iran rhunmwuda, iran ya amazẹ ne ẹ i mwẹ arrọọ vbene ikun orinmwi ye, mu awua ye otọe mwẹ, iran keghi vbe ya ẹbọ ohoghe iran vuọn ehe hia.”

Ezikiẹl 35:10

U khare wẹ otọe eva ni ighe Izrẹl kevbe Juda, deba otọe iran hia ighe ọwuẹ nọ, kevbe wẹ te u ra munọ iran ya khian ọwuẹ, a gha rhe miẹn wẹ mẹ ọrọre Osanobua iran.

Hozia 9:3

Ivbi Izrẹl i ra vbe gha rre otọe e Nọyaẹnmwa, sokpan, te iran ra werriegbe gha rrie Igipt, iran ghi vbe ya gha rri evbare awua vbe Asiria.

Nọmbas 16:3

Iran keghi do si egbe koko ye odaro e Mosis kevbe Errọn, iran tama iran wẹẹ, “Ọwua tua gbe, e Nọyaẹnmwa ọre ọ yan emwa nii hia, e Nọyaẹnmwa vbe rrọ yaba ima hia. Vbọzẹ ne uwẹ ne Mosis na ghi tọn egbe ruẹ mu yan emwa e Nọyaẹnmwa na hia?”

Nọmbas 5:3

Viọ emwa ni hia ne awua gue na ladian, ne iran ghẹ ya mu awua ye agọ nii, ehe ne I na gu emwa mwẹ rrọọ.”

Diuteronomi 21:23

a ghẹ gie ẹdẹ gbe ẹe ye evba, rhunmwuda ikun orinmwi ne a sirra ye erhan te ọ sọnnọ e Nọyaẹnmwa vbe ọ gha dẹ ghe ẹre. Wa ya re ikun orinmwi nii ne uwa ghẹ ya mu awua ye otọe nii ne Nọyaẹnmwa Osanobua rua ra mu ne uwa.”

Diuteronomi 21:8

E Nọyaẹnmwa yabọ ivbi Izrẹl ne emwa ruẹn, ne uwẹ miẹnfan ke Igipt gha dee. Yabọ mwa, ghẹ ka uwu ọmwa ne ọ ma rukhọ ne a gbe ua ye ima urhu.’

Diuteronomi 6:15

Wa gha danmwẹ ọẹn, ohu e Nọyaẹnmwa gha hihiẹ yan uwa zẹ vbe erhẹn, ọ ghi fuẹn uwa a fẹẹrẹ rhunmwuda, e Nọyaẹnmwa Osanobua mwa ne ọ gu uwa rrọ, a i gu ẹe ta ekpẹn.

Arhie Maan 21:27

Sokpan emwi awua ọkpa i ra la ẹvbo nii, ra ọmwaikọmwa ne ọ ru emwi emwi ekhue, ra ne ọ ta ohoghe. Emwa ne a gbẹnnẹ eni ẹnrẹn ye ebe enirrọọ ọghe Oteghe Ohuan nii ọkpa, ọre ọ gha la ẹvbo nii.

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.