Nọmbas 35:2 - Edo Bible (E Baibol Ẹdo) Version 1996

² “Tama ivbi Izrẹl wẹ ne iran mu ẹvbo eso ne avbe Livai dia deba otọ ne aranmwẹ na rria eso lẹga ẹvbo nii.

Nọmbas 35:2 ပူးပေါင်းရင်းမြစ်များ

I Krọnikol 13:2

Ọ na tama ivbi Izrẹl hia wẹẹ, “A dẹghe wa yobọ yọ kevbe wẹ iho e Nọyaẹnmwa ne Osanobua mwa nọ, wa gie ima gie emwa bu ivbi ẹvbo ima nekpa kevbe avbe ohẹn kevbe Livai ni rre ẹvbo iran, ne a tama iran ne iran gie ima miẹn egbe vbe edinran.

II Krọnikol 11:14

Avbe Livai keghi sẹ otọ ne aranmwẹ na rria iran rae, iran kegha die Juda kevbe Jerusalẹm rhunmwuda, e Jeroboam ne ọba Izrẹl kevbe iran ni rriọba lele ẹe ma gie iran winna zẹ vbe ohẹn e Nọyaẹnmwa.

II Krọnikol 31:19

Vbe uwu avbe ohẹn ni rre adesẹ ore ẹvbo, ne a vbe ka ba ivbi uniẹn Errọn, emwa ni waan eso kegha rrọọ, iran na ọ re ọ gha ghae evbare ne avbe ikpia ni rre ẹgbẹe avbe ohẹn kevbe emwa hia ne a ghi gbẹnnẹ eni ẹnrẹn ba ọghe ivbi ẹwae e Livai nẹ.

Nehimaia 13:10

I keghi vbe họn wẹ avbe ikpemaba Ọgua Osa kevbe avbe Livai kpao vbe Ọgua Osa rre gha rrie ugbo iran rhunmwuda avbe emwa ni ma ghi viọ emwi ne ọ gha sẹ iran gha re rre.

Ezikiẹl 48:8

Obọ ne ọ ghi kẹe vbe otọe nii, a ghi zọe kọ ne ulomwẹ kpataki. Ọ ghi gha re ibiriki igbe vbe uvbẹmwẹ ke odẹ okuọ ya sẹ odẹ ekẹn, kevbe utanmwẹ ọkpa nii ke odẹ ahọ ya sẹ orrie zẹ vbe avbe ako ne ọ gha sẹ dọmwadẹ ẹwae obọ. Uwu ako na ọ re a gha mu Ọgua Osa yi.

Nọmbas 35:1

A ghi sẹ otọe nọ rriẹe ọghe Moab vbe iyeke Jọdan vbe a gha ke Jẹriko fian ẹn rra, e Nọyaẹnmwa keghi tama e Mosis wẹẹ,

Nọmbas 35:3

Avbe ẹvbo na ghi do khian ọghe avbe Livai, iran ghi gha yin ẹnrẹn. Ehe ne aranmwẹ na rria nii ghi gha re ne avbe ẹmila iran kevbe avbe aranmwẹ ọvbehe gha na gha rria.

Diuteronomi 18:6

“E Livai ne ọ rhirhi gha ho, sẹtin ke ẹvbo ne ọ rhirhi gha khin vbe Izrẹl gha die ihe ọkpa ne a na ga ni.