Nọmbas 35:12 - Edo Bible (E Baibol Ẹdo) Version 1996

¹² Evba ọre ọ gha na miẹn uhunmwu vbe obọ etẹn ọmwa ne ọ wu nii, ni ho ne iran rria ikhi. A ghẹ ghe ọmwa ne a ba ẹre ifi ẹzọ izigha rua vbe ẹi re te a gui ẹzọ ẹre nẹ vbe sirra emwa hia.

Nọmbas 35:12 ပူးပေါင်းရင်းမြစ်များ

II Samuẹl 14:7

Ne a ghi ye na nian enọwanrẹn, etẹn mwẹ hia wa hẹ aro da mwẹ, iran wẹ ne I rhie ovbi mwẹ ne iran, ne iran gbe ẹe rua ba ẹmwẹ ne ọ na gbe ọtiọnrẹn uan. Iran gha ru emwi na, mẹ ghi wa do khian ne ẹ i ghi mwẹ ọmọ okpia. Iran gha wa rhu mwẹ ukparo ọkpa ne I te mwẹ, iran ghi do ya ọdọ mwẹ khian ne ẹ i ghi mwẹ ọmọ okpia ne ọ gha ya eni ẹnrẹn khian ne ọ ma gbe ẹro.”

Nọmbas 35:13

“Wa zẹlẹ ẹvbo ehan.

Nọmbas 35:19

Ọtẹn ọmwa ne ọ wu nii, ne ọ ghi sikẹ ọre sẹ ọ re ọ bi ye ọre egbe ne ọ gbe ọmwa ne ọ de izigha nii uan. Ọ gha miẹn ọẹn, ọ ghi gbẹe.

Diuteronomi 19:4

A deghẹ ọmwa gbe ọmwa ne ẹ i re oghian rẹn rua, vbene ẹ i na re ẹmwẹ ọnrẹn, ọ sẹtin lẹ gha rrie ọkpa vbe uwu avbe ẹvbo na, ọ ghi lẹ fe.

Diuteronomi 19:6

A deghẹ ẹvbo ọkpa kẹkan ọ re ọ rrọ, ọ gha rrei gbe, a ghi miẹn wẹ ọmwa ne ọ khẹke ne ọ rria ikhi ye izigha ne a de ni, ghi khu ọmwa ni mu, kevbe rhunmwuda ne ohu na mu ẹẹn ni, ọ ghi ya gbe ẹe rua ighẹ ọmwa ne ọ ma rri abe. vbene ọ rhirhi gha ye hẹ, te ọ gbe ọmwa ne ẹ i re oghian rẹn rua vbe ne ẹ i na re ẹmwẹ ọnrẹn.

Jọsua 20:2

“Ne ọ tama ivbi Izrẹl wẹẹ, ‘Wa zẹ avbe ẹvbo ne emwa gha lẹgbinna, ne I ka wẹ ne Mosis tama uwa.

Jọsua 20:9

Avbe enena ọrọre ẹvbo ne a lẹ gbinna ne a zẹ ne ivbi Izrẹl hia kevbe avbe orhunmwuyẹn ni rre ehe ne iran ye. Ọmwaikọmwa ne ọ gbe ọmwa ran vbe ne ẹ i na re ẹmwẹ ọnrẹn, sẹtin ya lẹ fi evba, ọmwa ne ọ ho ne ọ rria ikhi i ghi gbẹe rua. A ghi sirra emwa hia gui ẹzọ ẹre vbe evba.