Ẹghẹ nii, ọ re Solomọn kevbe ivbi Izrẹl hia, wa ke ada e Hamat vbe odẹ okuọ ya sẹ ehe ne otọe Igipt lae vbe odẹ ekẹn na ru emwiukpo Ibuagọ vbe odaro e Nọyaẹnmwa Osanobua la ikpẹdẹ ihinrọn vbe otọ vbe Ọgua Osa.
Ọ keghi dọlegbe khọn munọ avbe ẹvbo hia ni ka re ọghe Izrẹl de ẹdẹ kevbe Hamat Pas vbe odẹ okuọ ya sẹ Okun Nọwu vbe odẹ ekẹn, vbenian ọre Nọyaẹnmwa gie ọguọmwadia ẹre ne akhasẹ, rẹn ighẹ Jona ne ovbi Amatai ne ọ ke Gat rre ne ọ ta ẹe ye otọ.
Ẹre Devid na si emwa ni hia ke ehe ne ẹvbo ni sẹe ehe ne ọ rhanmwẹ koko ke uwu Igipt vbe odẹ ekẹn ya sẹ Ada e Hamat vbe odẹ okuọ, ne iran miẹn ehe na ya mu Ẹkpẹti Ile Nọyaẹnmwa ke kirriat Jearim gha die Jerusalẹm.
Sokpan, ivbiyokuo e Babilọn keghi zẹẹ iran khu, obọ iran keghi vba e Zedekaia vbe otọe ne ọ rriẹe vbe ọkpẹn e Jẹriko. Iran keghi mu ẹẹn gie ọba Nebukiadneza ne ọ gha rre Ribla vbe otọ Hamat, evba nii ọ re Nebukiadneza na bu abe gbe ẹe.
E Nọyaẹnmwa ne Osanobua ne Oghodua tobọ ẹre ta ẹe wẹẹ, “Wa ne ivbi Izrẹl, I ra gie ivbiyokuo ẹrrẹe ne iran do mu uwa ẹvbo dia. Iran gha wọ uwa uhunmwu ke Ada e Hamat kpao vbe odẹ okuọ yasẹ ovbi ẹzẹ Araba vbe odẹ ekẹn.”
