Nọmbas 34:12 - Edo Bible (E Baibol Ẹdo) Version 1996

¹² Ọ ghi laghe odẹ ekẹn kevbe Ẹzẹ Jọdan ya sẹ Okun Nọwu. “Ena ọ gha re ehe ne otọe uwa sẹe vbe igienenẹ.”

Nọmbas 34:12 ပူးပေါင်းရင်းမြစ်များ

Gẹnẹsis 13:10

Lọt keghi tọn aro mu ọ na miẹn wẹ, iya ọghe ẹzẹ Jọdan hia wa ya sẹ Zoa, amẹ wa rrọọ ẹsẹse zẹ vbe ogba ọghe Nọyaẹnmwa, kevbe sẹ vbe otọe Igipt! (Ẹghẹ na, Nọyaẹnmwa ma he fuẹn otọ Sọdom kevbe Gomorra).

Gẹnẹsis 14:3

Avbe ọba isisẹn na keghi ku obọ gbe, iran tẹn iyokuo iran kugbe vbe iya ọghe Sidim ne a ghi tie ẹre Okun Nọwu na.

Ẹksọdọs 23:31

I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

Ezikiẹl 47:13

E Nọyaẹnmwa ne Udazi keghi kha wẹẹ, “Ehe ne ọ lae ọna khin ighe otọe nii ne a ra ghae ne avbe ẹwae iweva nii, vbene ukhukhu eva gha na sẹ ẹwae Josẹf obọ.

Nọmbas 34:11

Ọ ghi gban egbe ghe odẹ ekẹn ya sẹ Habẹl, odẹ ahọ ya Ain, ọ ghi lele evba ya sẹ oke ne ọ rre odẹ ahọ ọghe ikpogho Okun Galili.

Nọmbas 34:13

Ẹre Mosis na tama ivbi Izrẹl wẹẹ, “Otọe ne uwa ra yan uta yi ya ghae ọre ọna khin, otọe ne Nọyaẹnmwa ya ne ẹwae ihinrin vbe ukhiọnmwẹ.

Nọmbas 34:3

Odẹ ekẹn ne ọ rrọọ ghi ke ẹgbo e Zin lele ehe ne otọe Idọm lae gha dee. Ọ ghi suẹn vbe odẹ ekẹn ọghe okun nọwu.

Jọsua 13:1

E Jọsua keghi wa khian ọmaẹn ẹsẹse, e Nọyaẹnmwa keghi tama rẹn wẹẹ, “U khian ọmaẹn nẹ ẹsẹse, sokpan avbe ẹvbo ne a ra ye khọn wa ye bun.

Jọsua 15:5

Vbe odẹ ahọ vbọ, ọ keghi la Okun Nọwu ghe odukhunmwu ya sẹ ehe ne Jọdan na lẹ la rọ. Evba nii i ọ re ehe ne ọ lae vbe odẹ okuọ na suẹn.