Nọmbas 33:4 - Edo Bible (E Baibol Ẹdo) Version 1996

⁴ Vbe iran wa re emọ ọdiọn iran ne Nọyaẹnmwa gbele ua. Ọ keghi ye emwi ne ọ ru na rhiema wẹ rẹn mwẹ ẹtin sẹ avbe ẹbọ Igipt.

Nọmbas 33:4 ပူးပေါင်းရင်းမြစ်များ

Psalm 105:36

Ọ gbele emọ ikpia ni re emọdiọn, ọghe ẹgbẹe ni rre otọe Igipt hia.

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Ẹksọdọs 18:11

Banbanna nian, I miẹn wẹ, e Nọyaẹnmwa kpọlọ sẹ avbe ẹbọ hia, rhunmwuda te Osanobua ru vbenian na vbe ọ miẹn oya ne ivbi Izrẹl gha a re vbe obọ ivbi Igipt.”

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.