Nọmbas 33:3 - Edo Bible (E Baibol Ẹdo) Version 1996

³ Ikpẹdẹ ekesugie vbe uki ne okaro ọghe ukpo ẹdẹ ne ọ lele Alagberra ne okaro, ọ re ivbi Izrẹl na kpahin Igipt rre. Vbene Nọyaẹnmwa na degue iran, iran keghi si kpao vbe ẹvbo Ramesis vbe sirra ivbi Igipt hia.

Nọmbas 33:3 ပူးပေါင်းရင်းမြစ်များ

Gẹnẹsis 47:11

Ẹre Josẹf na do gbe erha ẹe kevbe etiọnrẹn ẹkun sotọ vbe Igipt, ọ na viọ emwi ne iran vbe ehe ne ọ maa sẹẹ vbe otọe nii vbe asefẹn Ramesis zẹ vbe ne ọba tae.

Psalm 105:38

Ohan iran kegha mu ivbi Igipt, iran keghi ghọghọ ua vbe iran kpao.

Ẹksọdọs 1:11

Ivbi Igipt keghi rhunmwuda ọnii zẹlẹ avbe emwa ni su oleghan ne iran, ne iran gha ya ẹtin ya iran miẹn ẹsọn ne a wiẹn iran an. Avbe ivbi Izrẹl ẹre ọ bọlọ ẹvbo ne a tie ẹre Pitọn kevbe Ramesis ne ọba, ne ọ gha re ehe ne a si evbare gboo yi.

Ẹksọdọs 12:2

“Uki na ọre ọ khian gha re uki nokaro vbe ukpo ne uwa.

Ẹksọdọs 12:37

Ivbi Izrẹl keghi kpao vbe Ramesis rre, iran na mu aro da Sukọt. Ikpia nii ya owẹ khian kegha re arriaisẹn uri eha (600,000), vbe ne a i na ke ikhuo kevbe ibiẹka.

Ẹksọdọs 13:4

Vbe ẹdẹ ne uwa kpao vbe Igipt na, uki nokaro nọ, uki Abib ọre nọ.

Ẹksọdọs 14:8

E Nọyaẹnmwa keghi ya ọba Igipt ze vbe udu, ọ na zẹ ivbi Izrẹl khu, emwa nii kpao vbe uwu akhọnmiotọ.

Aizaia 52:12

Ẹghẹ na, wa i ghi ra khirhi kpao, wa i ghi ra gha hia ne uwa lẹ fua. E Nọyaẹnmwa ne Osanobua uwa gha kodaro ne uwa ọ ghi vbe degue uwa vbe igienenẹ.

Maika 2:13

Osanobua gha kie urho ne iran, ọ ghi viọ iran ke iwe ladian. Iran sanmwẹ la onurho ẹvbo nii, iran ghi khian Nọyan egbe iran. Ọba iran, e Nọyaẹnmwa tobọ ẹre, gha su iran ladian.

Nọmbas 33:2

Zẹ vbene Nọyaẹnmwa tama rẹn, e Mosis kegha gbẹnnẹ eni ehe ne iran na gbe agọ hia ye otọ.