Nọmbas 33:2 - Edo Bible (E Baibol Ẹdo) Version 1996

² Zẹ vbene Nọyaẹnmwa tama rẹn, e Mosis kegha gbẹnnẹ eni ehe ne iran na gbe agọ hia ye otọ.

Nọmbas 33:2 ပူးပေါင်းရင်းမြစ်များ

Ẹksọdọs 17:14

Ẹre Nọyaẹnmwa na tama e Mosis wẹẹ, “Gbẹn emwi na ye ebe ne a miẹn ehe na gha ye ẹre rre. Tama Jọsua wẹẹ I gha wa fuẹn Amalẹk fo fẹẹrẹ.”

Nọmbas 10:13

E Nọyaẹnmwa ghi tama e Mosis, ọre iran na suẹn okhian nii.

Nọmbas 10:6

A ghẹ ghi vbe dọlegbe kpe ẹre vbe ne ọ ma tan vbe otọ, iran ni rre asefẹn ekẹn ghi si okhian, ọnii nọ wẹẹ, a gha si vbe agọ, a ghi kpe okpe nọ ma tan vbe otọ.

Nọmbas 33:1

Ehe ne avbe ivbi Izrẹl na gbe agọ vbe iran kpao vbe Igipt rre vbene Mosis kevbe Errọn na gha viọ iran khian ọre ena khin.

Nọmbas 33:3

Ikpẹdẹ ekesugie vbe uki ne okaro ọghe ukpo ẹdẹ ne ọ lele Alagberra ne okaro, ọ re ivbi Izrẹl na kpahin Igipt rre. Vbene Nọyaẹnmwa na degue iran, iran keghi si kpao vbe ẹvbo Ramesis vbe sirra ivbi Igipt hia.

Diuteronomi 1:2

(A gha la odẹ ẹvbo ne ọ rre uhunmwu oke ọghe Idọm, ikpẹdẹ owọrọ ọre a ya khian ke oke Sainai yasẹ Kedẹs Bania.)

Diuteronomi 10:11

Ọ na ghi tama mwẹ ne I gha re ọkaolotu uwa ne uwa sẹtin ya mu otọe nii ne irẹn ve wẹ rẹn gha mu ne avbe erha uwa odede.