Nọmbas 33:1 - Edo Bible (E Baibol Ẹdo) Version 1996

¹ Ehe ne avbe ivbi Izrẹl na gbe agọ vbe iran kpao vbe Igipt rre vbene Mosis kevbe Errọn na gha viọ iran khian ọre ena khin.

Nọmbas 33:1 ပူးပေါင်းရင်းမြစ်များ

Psalm 105:26

Ẹre rẹn na gie eguọmwadia ẹre, ighe Mosis kevbe Errọn ne irẹn zẹe.

Psalm 77:20

U su emwa ruẹn gha khian zẹvbe ọsuohuan u keghi mu iwinna iran yan Mosis kevbe Errọn obọ.

Ẹksọdọs 12:37

Ivbi Izrẹl keghi kpao vbe Ramesis rre, iran na mu aro da Sukọt. Ikpia nii ya owẹ khian kegha re arriaisẹn uri eha (600,000), vbe ne a i na ke ikhuo kevbe ibiẹka.

Ẹksọdọs 12:41

Vbe ikpẹ ẹdẹ ne ọ wa gba vbe ọgban yan uri eva zẹ, ivbi ẹwae emwa e Nọyaẹnmwa hia keghi kpao vbe otọ Igipt rre.

Ẹksọdọs 12:51

Vbe ẹdẹ ne ẹdẹrriọ zẹ e Nọyaẹnmwa keghi viọ ẹwae ivbi Izrẹl ladian vbe otọe Igipt rre.

Ẹksọdọs 13:18

Ye ihe ọnii, ọ ke rhie iran la odẹ ikhinkhian la odẹ ato ne ọ rre odẹ Okun Nọbaa. Ivbi Izrẹl keghi wa gbalọ egbe okuo ọhanabe.

Ẹksọdọs 6:26

Nene Errọn kevbe Mosis na ọre Nọyaẹnmwa tama wẹẹ, “Viọ avbe ivbi Izrẹl ke Igipt ladian.”

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Nọmbas 33:2

Zẹ vbene Nọyaẹnmwa tama rẹn, e Mosis kegha gbẹnnẹ eni ehe ne iran na gbe agọ hia ye otọ.

Jọsua 24:5

Ẹre I na ghi gie Mosis kevbe Errọn, I na si ọfuan nọkhua ye Igipt egbe. I keghi viọ uwa ladian.

I Samuẹl 12:8

E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.