Nọmbas 32:32 - Edo Bible (E Baibol Ẹdo) Version 1996

³² Vbene irẹn na re ọkaokuo, ma gha khian la otọe Kenan ne a ya khọn okuo ne emwi ni rre odẹ ahọ ọghe Jọdan na miẹn ehe na khian ọghomwa.”

Nọmbas 32:32 ပူးပေါင်းရင်းမြစ်များ

Levitikọs 14:34

“Wa gha sẹ otọ Kenan ne I ra mu ne uwa ne ọ gha re ọghe uwa, I gha si irhunrhun ne ọ vẹ ye uwa owa.” Ẹre Nọyaẹnmwa ghi na ru emwamwa na ne iran.

Nọmbas 32:19

Ma i ra yan emwikemwi vbe uwu emwi ewe ni rre iyeke Jọdan, rhunmwuda ọghe ima sẹ ima obọ nẹ vbe emwa vbe odẹ ahọ ọghe Jọdan.”

Nọmbas 32:31

Emwa Gad kevbe Riubẹn keghi wanniẹn wẹẹ, “Enọwanrẹn, ma gha ru vbene Nọyaẹnmwa kha re.

Nọmbas 32:33

Ẹre Mosis na mu otọe ọba Saihọn ọghe Amọri kevbe ọba Ọg ọghe Basian kevbe avbe ẹvbo ni lẹga ẹre hia ne ẹwae Gad kevbe Riubẹn kevbe a gha wa ẹwae Manasẹ ye ihe eva.

Nọmbas 34:15

Vbe odẹ ahọ ọghe Jọdan, ehe ne ọ na mu aro da e Jẹriko!”

Diuteronomi 1:1

Ẹmwẹ ni rre ebe na keghi re avbe ẹmwẹ ne Mosis gu ivbi Izrẹl guan ẹkpo ne iran na gha rre otọ ẹgbo vbe odẹ ahọ ọghe Ẹzẹ Jọdan. Iran kegha rre Iya ọghe Jọdan vbe ọkpẹn Suf, ẹvbo ne a tie ẹre Paran kegha rre iran obọ ọkpa, avbe ẹvbo ne a tie ẹre Tofẹl, Leban, Hazẹrot kevbe Dizahab kegha rre iran obọ nọkpa.

Diuteronomi 29:8

Ma keghi mu otọe iran, ma na ghae ẹre ne ẹwae Riubẹn kevbe Gad kevbe obọkpa vbe ẹwae Manasẹ.

Diuteronomi 3:12

“Ma ghi ya ẹvbo nii khian ọghomwa nẹ, I keghi mu avbe otọ ne ọ ke Aroa ne ọ rre ọkpẹn Ẹzẹ Anọn kpao do sẹ ẹvbo Giliad ba ẹvbo ni rrọ ne ẹwae ọghe Riubẹn kevbe Gad.

Jọsua 12:1

Ivbi Izrẹl keghi khọn, iran na vbe yin otọ ne ọ rre odẹ ahọ ọghe Jọdan kevbe Iya ọghe Anọn kpao ya sẹ Iya ọghe Jọdan kevbe Oke Hẹmọn. Vbe odẹ okuọ avbe ọna ne ivbi Izrẹl khọn miẹn ẹre otọ ena khin.

Jọsua 12:6

E Mosis kevbe ivbi Izrẹl keghi khọn iran. Ẹre Mosis ne ọguọmwadia e Nọyaẹnmwa na mu otọ iran ne avbe Riubẹn, Gad kevbe obọkpa vbe ẹwae Manasẹ ne ọ gha re ọghe iran.