Nọmbas 32:29 - Edo Bible (E Baibol Ẹdo) Version 199629 “A deghẹ emwa Gad kevbe Riubẹn fian Jọdan rra, vbe ne iran na mu egbe ne iran ya khọn vbe okuo nii ne Nọyaẹnmwa na re ọkaokuo, a na ghi vbe miẹn wẹ vbe ekpa iyobọ iran ọre uwa na sẹtin khọn miẹn otọe nii, wa ghi mu otọ Giliad ne iran ne ọ gha re ọghe iran. အခန်းကိုကြည့်ပါ။ |
E Mosis ka mu otọ eso ne ẹwae eva vbe ukhiọnmwẹ vbe odẹ ahọ ọghe Jọdan, sokpan ọ ma mu otọe ne avbe Livai. A keghi ghae uniẹn Josẹf ye ẹwae eva, ena ọre Manasẹ kevbe Ifreim. A ma mu ne avbe Livai vbe otọe nii, ye ihe ọnii, a keghi mu avbe okpẹvbo ne iran dia, oha kevbe gha rrọọ ne avbe ẹmila kevbe ohuan iran.
Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)