Nọmbas 32:23 - Edo Bible (E Baibol Ẹdo) Version 1996

²³ Sokpan deghẹ wa na mu eyan uwa sẹ, ne I gie uwa rẹn nian wẹ wa gha rukhọ ghe Nọyaẹnmwa, wa ghi vbe rẹn nian wẹẹ a gha vbe rri uwa oya ye orukhọ uwa.

Nọmbas 32:23 ပူးပေါင်းရင်းမြစ်များ

Gẹnẹsis 13:13

ne emwa rẹn re emwa dan ni vbe ru orukhọ ghe Nọyaẹnmwa.

Gẹnẹsis 4:7

Akpawẹ te u ru ẹse, te u ghẹ gha mumu ogiẹ nian. Sokpan, vbe ne u ghi na ru emwi dan nẹ nian, orukhọ ye vbe aranmwẹ ne ọ si rhuẹ khẹ ruẹ ne ọ gua a rhie vbe onurho. Ọ ho ne ọ gha kha yan ruẹn sokpan ọ kere ne obọ ruẹ ke odukhunmwu nẹẹn.”

Gẹnẹsis 44:16

Juda keghi kha wẹẹ, “De ẹmwẹ ne ima ra miẹn ta yi enọwanrẹn? De ẹzọ ne a ra miẹn gui? Vbe ima a ra ya fan egbe mwa hẹ? Osanobua wee ima uhe ua nẹ, enọwanrẹn. Enọwanrẹn, eviẹn ruẹn ma hia ghi khin, ẹ i re ọmwa na a miẹn ukpu ni vbe obọ ẹre ọkpa.”

II Samuẹl 3:39

A gha rhe miẹn wẹ mẹ ọrọre ọba ne Osanobua hannọ zẹ, egbe wa wọ mwẹ yotọ ẹrẹna. Ẹtin mwẹ isẹ ẹmwẹ ọkpankpan ivbi Zeruaia na. Te Nọyaẹnmwa gha ru avbe izigan na emwi ne ọ ma iran.”

I Ọba 2:32

E Nọyaẹnmwa gha rria e Joab ikhi ye a ghẹ ru ne ọ ru nii vbe ne erha mwẹ ma na rẹn. E Joab gbele arhin eva ni maa sẹẹ ọre vbe ne iran ma na ru khọ, iran na ọ re Abna ne ọkaokuo ọghe ivbi iyokuo Izrẹl kevbe Amasa ne ọkaokuo ọghe ivbi iyokuo e Juda.

I Ọba 2:33

Ikhi ne a gha rria ye izigha ne a de iran na, uhunmwu e Joab kevbe ivbi ẹre ọ re ọ gha ye ẹdẹdẹmwẹdẹ sokpan ivbi e Devid ni tota ye ẹkete, te Nọyaẹnmwa gha rhie arudinodẹ ne iran ẹdẹdẹmwẹdẹ.”

Psalm 139:11

I sẹtin tama ebiebi ne ọ rhie mwẹ lẹre, ra ne uwanmwẹ ne ọ rre ehe ne I ye khian ebiebi,

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Psalm 90:8

U wa orukhọ ima ye odaro ruẹ, orukhọ ẹkhokho ima vbe ehe ne u gha na gha bẹghe ẹre.

Itan 13:21

Te orueghe lele emwa orukhọ la ehe hia, sokpan, a gha ye emwi esi san emwa esi ẹse.

Itan 24:16

Inugba ne ọ khọnrẹn wẹ ne ọmwa ne ọ yin ẹse de, te ọ gha ye kpaegbe; sokpan, ọkhọ ọ re ọ fuẹn ọmwa dan an.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Aizaia 59:12

“E Nọyaẹnmwa, emwi dan ne ima ru ghe ruẹ wa bun. Orukhọ mwa wa gu ima gui. Ma wa rẹn wẹ ehia wa rre evba.

Jona 1:7

Avbe oziguẹ keghi kha wẹẹ “Wa gie ima do yan uta yọ, ne a miẹn ehe na rẹn ọmwa ne ọ si emwi na ne ima hia na rhie uhunmwu mwẹ atataobọ na.” Iran keghi ru ẹe vberriọ, uta keghi mu e Jona.

Ebe ne Pọl gbẹẹn gie emwa Rom 2:9

Oya kevbe obalọ gha rrọọ ne emwa hia ni ru emwi dan, okaro ne avbe Ju, vbe iyeke ọnii, kevbe ne iran ne ẹ i re Ju.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

Jọsua 7:18

E Zabdi kevbe viọ ẹgbẹe ọre ladian ọkpọkpa, ọ keghi mu Ekani ovbi Kami kevbe eyẹ Zabdi, ne ovbi Zẹra ne ẹwae Juda.