Nọmbas 32:22 - Edo Bible (E Baibol Ẹdo) Version 1996

²² Ne uwa mu otọe nii ya khian ọwua, iyeke ọnii, wa sẹtin werriegbe gha dee rhunmwuda wa ru e nọ kan e Nọyaẹnmwa ke emwa Izrẹl ne ihua uwa nẹ. Ẹghẹ nii Nọyaẹnmwa gha ya obọ yọ wẹ otọe na vbe odẹ ahọ ọghe Jọdan, ọwua nọ.

Nọmbas 32:22 ပူးပေါင်းရင်းမြစ်များ

II Samuẹl 3:28

E Devid ghi họn ẹmwẹ na, ọ keghi kha wẹẹ, “E Nọyaẹnmwa rẹnrẹn wẹ imẹ kevbe emwa mwẹ, ma ma rẹn ọkpa, a ma rẹn eva vbe ugbemwẹ ne iran gbe Abna re.

Psalm 78:55

Ọ khulo iran ni yin ẹnrẹn ladian, vbe avbe emwa irẹn dee, ọ ghae otọe iran ne iran ne ẹwae Izrẹl ọ na vbe munọ owa iran ne emwa irẹn.

Levitikọs 14:34

“Wa gha sẹ otọ Kenan ne I ra mu ne uwa ne ọ gha re ọghe uwa, I gha si irhunrhun ne ọ vẹ ye uwa owa.” Ẹre Nọyaẹnmwa ghi na ru emwamwa na ne iran.

Nọmbas 32:21

Emwa uwa ni sẹtin gbinna hia ghi mu egbe ne iran fian Jọdan rra ne iran ya gbinna vbe ne Nọyaẹnmwa gha na gha re ọkaokuo uwa, wa ghi gu avbe eghian gbinna.

Diuteronomi 3:20

Wa ru iyobọ ne ivbi Izrẹl ne ihua uwa, iran te do gbe ẹkun sẹ otọ vbe avbe otọe nii ne Nọyaẹnmwa gha mu ne iran vbe odẹ orrie Jọdan, kevbe wẹ e Nọyaẹnmwa te do gie iran gha rre ọfumwegbe zẹ vbene ọ vbe ru ne uwa. Iyeke onii dọmwadẹ ọghọe vbe uwu uwa sẹtin dọlegbe gha die otọ ne I mu ne uwa.’

Jọsua 1:15

Iran ghẹ ghi vbe mu otọe nii ne Nọyaẹnmwa Osanobua mu ne iran nẹ, iran gbe ẹkun sotọ, wa ghi vbe gha dee do yin otọe ne Mosis ne ọguọmwadia e Nọyaẹnmwa mu ne uwa vbe emwa na vbe iyeke ẹzẹ Jọdan.”

Jọsua 10:30

E Nọyaẹnmwa keghi vbe rhie akhọnmiotọ ne ivbi Izrẹl vbe uhunmwu ẹvbo na ke ọba ẹre. Ọ ma sẹ ọkpa rae vbọ, ọ keghi gbele emwa hia ni rrọọ. Ọ kevbe ru ọba ne ọ rrọọ zẹ vbene ọ vbe ru ọba e Jẹriko.

Jọsua 10:42

Uhukpa ne Jọsua mu okuo gie avbe ọba na, ọ keghi wa khọn iran khọn ẹvbo iran mu tan, rhunmwuda e Nọyaẹnmwa ne ọ re Osanobua ọghe Izrẹl ọ re ọ ghaa gbinna ne Izrẹl.

Jọsua 11:23

E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.

Jọsua 13:8

A keghi mu otọe ne ẹwae Riubẹn, Gad kevbe obọkpa vbe ẹwae Manasẹ, vbe odẹ ahọ ọghe Jọdan. Ọnii ọ re Mosis ne ọguọmwadia e Nọyaẹnmwa mu ne iran.

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Jọsua 2:19

Ọmwa gha kpao vbe owa ruẹ rre, ọ na la ore, rẹn ọ re ọ ra ya uhunmwu hẹ ẹmwẹ uwu ẹre, a i vbe kae ye ima urhu; sokpan deghẹ emwi ru ọmwaikọmwa ni rre owa ruẹ, urhu ima ọ re ọ ye.

Jọsua 22:4

Banbanna nian, e Nọyaẹnmwa Osanobua rua rhie ọfumwegbe ne ivbi Izrẹl ne ihua uwa nẹ zẹ vbene ọ khare. Rhunmwuda ọnii, wa werriegbe gha rrie otọe uwa ne uwa mu ya khian ọwua, otọe ne ọ rre odẹ ahọ e Jọdan, ne Mosis ne ọguọmwadia e Nọyaẹnmwa mu ne uwa.

Jọsua 22:9

Ọ re emwa ni rre ẹwae e Riubẹn, Gad, kevbe odẹ ahọ vbe ẹwae Manasẹ na werriegbe gha rrie owa, iran keghi sẹ ivbi Izrẹl ni dekẹe rae vbe Siailo vbe otọe Kenan, iran na gha rrie otọe Giliad ne ọ re otọe iran, ne iran ya ehia khian ọghe iran zẹ vbene Nọyaẹnmwa la unu e Mosis tama iran.