Nọmbas 31:9 - Edo Bible (E Baibol Ẹdo) Version 1996

⁹ Ivbi Izrẹl keghi munọ ikhuo kevbe ibiẹka ni rre Midian oghunmwu, iran keghi munọ emwirri iran hia, iran na fu emwi iran hia viọ.

Nọmbas 31:9 ပူးပေါင်းရင်းမြစ်များ

Gẹnẹsis 34:29

Iran keghi viọ ẹfe ni rrọọ hia. Iran na munọ ikhuo kevbe ibiẹka, iran na viọ emwi hia ni rre iran owa gha rrie.

II Krọnikol 14:15

Iran keghi vbe dekun agọ avbe ọsuohuan eso, iran na munọ ohuan ni bun ẹsẹse kevbe ekẹtẹkẹtẹ. Iran keghi werriegbe gha die Jerusalẹm.

II Krọnikol 28:5

Rhunmwuda ne Ehaz ne ọba na ru orukhọ, e Nọyaẹnmwa keghi gie obọ e Siria ke ukhunmwu ne ẹẹn vbe okuọ, ọ keghi vbe viọ ni bun vbe ivbi e Juda oghunmwu gha rrie Damaskọs. E Nọyaẹnmwa keghi vbe gie Pẹka ne ovbi e Remalaia ne ọba Izrẹl khọn miẹn Ehaz otọ ọ na gbele arriaisẹn iyehan (120,000) vbe uwu ivbiyokuo e Juda ni din sẹ vbe ẹdẹ ọkpa kẹkan. E Nọyaẹnmwa ne Osanobua avbe erha iran odede kue yọ ne emwi na sunu rhunmwuda ighẹ ivbi e Juda fi iyeke gbe irẹn.

Nọmbas 31:10

Iran keghi giẹn ẹvbo iran kevbe agọ iran hia a.

Nọmbas 31:53

Iran ne ẹ i re ọkaolotu keghi viọ avbe emwa ne obọ iran vbare vbe okuo.

Nọmbas 31:8

Kevbe avbe ọba Midian isẹn ni re Evi, Rekẹm, Zọ, Họ kevbe Reba. Iran keghi vbe gbe Balam ne ovbi Beọ.

Diuteronomi 20:14

Vbene ọ rhirhi gha ye hẹ, wa sẹtin viọ ikhuo, emọ, emwirri kevbe emwi ọvbehe hia ni rre ẹvbo nii ya khian ọwua. Wa sẹtin gha lo emwi hia ni re ọ ghe eghian uwa. E Nọyaẹnmwa ya ẹe ne uwa nẹ.