Nọmbas 31:8 - Edo Bible (E Baibol Ẹdo) Version 1996

⁸ Kevbe avbe ọba Midian isẹn ni re Evi, Rekẹm, Zọ, Họ kevbe Reba. Iran keghi vbe gbe Balam ne ovbi Beọ.

Nọmbas 31:8 ပူးပေါင်းရင်းမြစ်များ

Psalm 10:2

Iran ne emwa dan tọn egbe mu, iran gha zẹ ivbiogue kpokpo, ya ifi ne iran khuẹn munọ iran.

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

Itan 11:3

Adeghẹ u maa, a ta ẹmwata ọ re ọ dia ruẹ. Ai ta ẹmwata ọghe iran, ọ re ọ miẹn emwa ne ẹ i gia mu ẹtin yan uhunmwu.

Itan 13:17

Emwa ne a gie ẹre uhunmwu, otighi ọ re iran si rre vbe iran a gha re emwa ne ẹ i gie a mu ẹtin yan, sokpan, ọfumwegbe ọ re iran ni gie a mu ẹtin yan rhie rre.

Habakọk 3:7

I miẹn vbe ohan mu ivbi e Kusian avbe ivbi e Midian gha guọ.

Nọmbas 22:10

Rẹn keghi wanniẹn wẹẹ, “E Balak ne ọba e Moab ọre ọ gie iran bu mwẹ gha dee do tama mwẹ

Nọmbas 22:4

Ẹre ivbi e Moab na khama avbe ọkaolotu emwa Midian wẹẹ, “Iran ni kun khian na gha rri emwi ni lẹga ima hia mu otọ vbene ẹkhuia ẹmila rri Irunmwu vbe oha ne ẹmila na rria.” Ẹre Balak ne ọba e Moab

Nọmbas 22:5

na gie emwa ni iran ya tie Balam ne ovbi Beọ, ne ọ rre Petọ vbe ọkpẹn Ẹzẹ Yufretes vbe otọ Amọn rre. Iran keghi tama rẹn wẹẹ: “I ho ni guẹ rẹn wẹẹ agbọn ẹvbo hoho wa ke Igipt gha die emwa na, iran vẹ la ehe hia iran ra gbe ima miẹn ima otọ mwa.

Nọmbas 23:10

Uniẹn ivbi Izrẹl ye vbe ikpekhae ne otọ. Iran bun gbe, ẹ i gia ka. Gie ufomwẹ ẹdẹ agbọn mwẹ yevbe ọghe ọkpa vbe emwa Osanobua gun mwẹ wu vbe ọfumwegbe zẹ vbe ọmwa ẹmwata.”

Nọmbas 24:14

E Balam keghi tama e Balak wẹẹ, “Banbanna nian, I ra bu avbe emwa mwẹ, sokpan vbe I te kpao, I gha tama ruẹn emwi ne ivbi Izrẹl gha ru avbe emwa ruẹn re ẹdẹ ne ọ dee,”

Nọmbas 24:25

Ẹre Balam na kpaegbe, ọ na gha rrie owa, ẹre Balak na lele odẹ ọre gha rrie.

Nọmbas 25:15

A keghi tie eni okhuo nii Kozbi. Erha ẹe i ghẹ Zọ keghi re enogie iran eso vbe ẹwae Midian.

Nọmbas 25:18

rhunmwuda emwi dan ne iran ru ne iran na rẹrẹ uẹ vbe Peọ kevbe rhunmwuda e Kozbi ne a gbe vbe ẹghẹ ne egboghogbogho na gha rre Peọ.”

Nọmbas 31:16

Wa yerre wẹ, avbe ikhuo ọre ọ ru vbene Balam khare, iran na kpikpi emwa ni ru emwi ni ma kei ghe Nọyaẹnmwa vbe Peọ. Ọnii ọ re ọ mu egboghogbogho la uwu ẹbu emwa e Nọyaẹnmwa.

Nọmbas 31:9

Ivbi Izrẹl keghi munọ ikhuo kevbe ibiẹka ni rre Midian oghunmwu, iran keghi munọ emwirri iran hia, iran na fu emwi iran hia viọ.

II Pita 2:15

Iran kpao hin odẹ ne ọ diae rre nẹ, iran keghi bibi odẹ. Iran la odẹ ne Balam ne ovbi Bọsọ lae, ọmwa ne igho ne ọ gha sẹ ọre obọ vbe ọ gha ruemwi dan nẹ, viẹn ye ọre aro.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.