Nọmbas 31:6 - Edo Bible (E Baibol Ẹdo) Version 1996

⁶ E Mosis keghi gie iran gha rrie okuo, ọ na gie Finihaz ne ovbi Eliaza ohẹn ke odaro ne ọ gha wa iran ye okuo, kevbe ne ọ viọ avbe emwi iruemwi ni huanrẹn mwẹ deba a vbe okpe ne a ya gue egbe guan.

Nọmbas 31:6 ပူးပေါင်းရင်းမြစ်များ

II Samuẹl 11:11

Uraia keghi wanniẹn wẹẹ, “Ikpia hia ni rre Izrẹl kevbe Juda kpao vbe owa gha rrie okuo, Ẹkpẹti Ile vbe deba iran gha rre evba, e Joab ne ọkaokuo imẹ kevbe avbe emwa ni rre asẹ vbe ototọ ẹre hia rre oha. Vbe imẹ ghi ra gha rrie owa hẹ, ne I ya gha re, ne I ya gha da, kevbe ne I ya gha tie ọvbokhan mwẹ ovbe. A rrie agbọn, a rrie ẹrinmwi, I i danmwẹ emwi vberriọ.”

Ẹzra 7:5

ne ovbi Abisiua, ne ovbi e Finihaz, ne ovbi Eliaza, ne ovbi Errọn.

Ẹksọdọs 25:9

U ghi ru ehe ne a dia na kevbe emwi ne a ya te ẹre zẹ vbene I gie ẹre ma ruẹn.

Nọmbas 14:44

Sevba ohan ma mu iran, iran keghi ye gha rrie ẹvbo oke nii, a gha rhe miẹn wẹ kevbe Ẹkpẹti Ile ọghe Nọyaẹnmwa kevbe Mosis, ọkpa ne ọ kpao vbe agọ ẹ rrọọ.

Nọmbas 31:5

Ọre iran na zẹ arhin arriaisẹn vbe ẹwae ọkpọkpa, ehia keghi do gha re arhin arriaisẹn iweva (12,000) ni mu egbe okuo.

Diuteronomi 20:2

Vbe uwa te suẹn igbinna, ohẹn ghi ladian, ọ ghi tama ivbiyokuo ni wẹẹ,

Jọsua 22:13

Ẹre ivbi Izrẹl na gie Finihaz ne ovbi Eliaza ne ohẹn bu ẹwae Riubẹn, e Gad, odẹ ahọ vbe ẹwae Manasẹ vbe otọe Giliad.

I Samuẹl 14:18

E Sọl keghi tama Ahija ne ohẹn wẹẹ, “Mu adaghọ nii rre” (rhunmwuda, vbe ẹdẹ ne a kha na te Ahija mu ẹẹn ke odaro ne ivbi Izrẹl).

I Samuẹl 23:9

E Devid ghi họn wẹ e Sọl ra do gu irẹn gbinna, ọ keghi tama Abiata ne ohẹn wẹẹ, “Mu adaghọ nii gha di emwa.”

I Samuẹl 4:17

Ọmwa ne a gie ẹre uhunmwu ni keghi kha wẹẹ, “Izrẹl lẹ ne ivbi e Filistin, ugbemwẹ oya ọre a gbe ima re! Yevbe sẹ ọnii, iran gbele ivbuẹ eveva a ighẹ Hofnai kevbe Finihaz, okuo kevbe khọn mu Ẹkpẹti Ile!”