Nọmbas 31:41 - Edo Bible (E Baibol Ẹdo) Version 1996

⁴¹ Ẹre Mosis na viọ ọghe igho uhunmwu ni gie Eliaza zẹ vbene Nọyaẹnmwa khare.

Nọmbas 31:41 ပူးပေါင်းရင်းမြစ်များ

Ẹksọdọs 12:28

Ivbi Izrẹl kegha khian ya ru zẹ vbene a khare. Iran keghi ru zẹ vbene Nọyaẹnmwa tama e Mosis kevbe Errọn.

Nọmbas 18:19

“Emwi izẹọhẹ kpataki hia ne ivbi Izrẹl viọ gunmwẹ, I ya ẹe fi ohan ne uwẹ kevbe avbe ivbuẹ ne ikpia kevbe ne ikhuo ẹdẹdẹmwẹdẹ. Ile ne ai gbe obọ rra ne I gu uwẹ kevbe ivbuẹ ta ọ re ọna khin.”

Nọmbas 18:8

E Nọyaẹnmwa keghi tama Errọn wẹẹ, “Yerre wẹ avbe emwi hia ne a ya zẹ ọhẹ kpataki gunmwẹ, vbe ne a ma na giẹn ọnrẹn uan, te I khian viọ ehia nuẹn. Te I khian viọ iran ne uwẹ kevbe avbe ivbuẹ, ne ọ gha re ne a ghae ne uwa rhinrin ẹdẹ.

Nọmbas 31:42

Emwi umwọmwẹ ọre ọ sẹ emwa nii kevbe ivbiyokuo obọ, ohuan iyisẹn yan arriaeva ọ ya yan arriaisẹn eha irrọvbe ikiọkhọe yan uri (337,500) ẹwe kevbe ohuan arriaisẹn enẹ irrọvbe iyeva (36,000), ekẹtẹkẹtẹ iyisẹn yan arriaeva ọ ya yan arriaisẹn ọgban (30,500), ivbialeke arriaisẹn enẹ irrọvbugie (16,000).

Nọmbas 5:10

Dọmwadẹ ohẹn ghi gha viọ izẹọhẹ ne a hẹ gie ẹe.

Nọmbas 5:9

Erriọ vbe nọ, izẹ ọhẹ kpataki ne ivbi Izrẹl rhie gie Nọyaẹnmwa, ọ ghe ohẹn ne a viọ ẹre na nọ.

Matiu 10:10

Wa ghẹ rhie ẹkpo ọ vbu evbare mwẹ obọ, wa ghẹ rhie ẹwu ra ibata ọvbehe ya gbe akhua, wa ghẹ rhie ọkpọ mwẹ obọ, ọmwa ne ọ winna, te a gha rhie emwi ne ọ khẹ kẹe nẹẹn.

Galatia 6:6

Ọmwa ne a ẹre emwi ẹmwẹ iyayi Kristi, ọ kere ne ọ gha ghae vbe emwi ne ọ mwẹ ne ọmwa ne ọ ma ẹre emwi.

I Timoti 5:17

Avbe ediọn ni winna iwinna esi, zẹ vbe ọkaolotu, ọ kere ne a gha ka iran ye emwa ne ọ ke re ne ọ miẹn igho ukhukhu eva, kpataki iran ni winnaẹn ẹsẹse vbe orhu ne a kpe kevbe emwi ne a ma emwa ẹre.