Nọmbas 31:30 - Edo Bible (E Baibol Ẹdo) Version 1996

³⁰ U ghi rhie oghunmwu ọkpọkpa vbe uwu ekigbe siyeha vbe emwi ne a ghae gie emwa nii, erriọ vbe nọ vbe ẹmila, ekẹtẹkẹtẹ, ohuan ke ẹwe. U ghi viọ iran ne avbe Livai ni gbe aro ghe Owa Ukpọn Ile ọghe Nọyaẹnmwa.”

Nọmbas 31:30 ပူးပေါင်းရင်းမြစ်များ

I Krọnikol 23:32

A keghi vbe fian ẹre okhuo ne iran, ne iran gha gbe aro ghe Owa Ukpọn ne a ya rẹn ighẹ e Nọyaẹnmwa rre evba kevbe Ọgua Osa, kevbe ne iran vbe gha yi etẹn iran obọ ighẹ avbe ohẹn ni re ivbi uniẹn Errọn, vbe ẹghẹ ugamwẹ vbe Ọgua Osa.

II Krọnikol 14:15

Iran keghi vbe dekun agọ avbe ọsuohuan eso, iran na munọ ohuan ni bun ẹsẹse kevbe ekẹtẹkẹtẹ. Iran keghi werriegbe gha die Jerusalẹm.

Nọmbas 1:53

Sokpan avbe Livai ghi bu agọ lẹga Owa Ukpọn Ile ne iran gha gbe aro ghe ẹre, ne ọmwa rhọkpa ghẹ ya sikẹ ọre, ne ohu ghẹ ya mu mwẹ fi Izrẹl emwi.”

Nọmbas 3:25

Iran na ọ re a mu ẹmwẹ Owa Ukpọn Ile ye ọre obọ, emwi ne a ya gue ẹre vbe uwu ẹre, kevbe ne a ya gue ẹre vbe ore, ukpọn ne ọ rre onurho ẹre.

Nọmbas 3:31

Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.

Nọmbas 31:28

U ghi rhie ọkpa vbe uwu oghunmwu iyisẹn isẹn ye otọ vbe avbe ne ọ sẹ avbe ivbiyokuo obọ, zẹ vbe igho uhunmwu ne a zẹ gie Nọyaẹnmwa, erriọ u gha vbe ru avbe ẹmila, ekẹtẹkẹtẹ, ohuan kevbe ẹwe.

Nọmbas 31:29

Viọ iran ne Eliaza ne ohẹn zẹ vbe emwi ihaoko kpataki gie Nọyaẹnmwa.

Nọmbas 31:31

E Mosis kevbe Eliaza keghi ru vbene Nọyaẹnmwa khare.

Nọmbas 8:26

Vbe iyeke ọnii, iran sẹtin ru iyobọ ne e Livai ne ihua iran vbe iran a gha winna iwinna iran vbe uwu Owa Ukpọn, sokpan, ne iran ghẹ ghi winna iwinna rhọkpa iran ọkpa kẹkan. Erriọ u gha mwamwa iwinna avbe Livai ye ihe dọmwadẹ ọghe ọe.”

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

I Kọrinti 4:2

Emwi ọkpa ne a ho vbe obọ ọmwa ne a rhie emwi nẹẹn dayi ọrọre wẹẹ, ne ọ gha re ọmwa ne ọ gie arowa ẹre mu ẹtin yan.

Kọlose 4:17

Wa khama Akipọs wẹ, “Ghẹ i mwẹ u ma winnaẹn fo ighẹ okhuo ne a fian nuẹn vbe iwinna Nọyaẹnmwa.”

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.

Jọsua 9:27

Sokpan, vbe uwu ẹre nii, ọ keghi ya iran ru ni rhọ erhan kevbe ni sa amẹ ne ivbi Izrẹl kevbe aka ọghe Nọyaẹnmwa. Erriọ iran ye ru ẹe do sẹ ẹdẹ nẹrẹ na. Iran ghi gha winna vbe ehe ne e Nọyaẹnmwa a rhirhi wẹ ne a na gha ga irẹn.