Nọmbas 31:22 - Edo Bible (E Baibol Ẹdo) Version 1996

^22-23 Emwikemwi ne ẹ i giẹn vbe erhẹn zẹ vbene igoru ye, esiliva, oze, ematọn ra ẹrọnmwọ, a ghi mu ẹẹn la erhẹn gberra ne a ya rarae họnmwẹ ọẹn ruan. Emwi ni ghi dekẹ hia, a ghi ye amẹ ne a ya họnmwẹ emwi họnmwẹ ruan.

Nọmbas 31:22 ပူးပေါင်းရင်းမြစ်များ

Gẹnẹsis 4:22

Ẹre Zila na biẹ ne a tie ẹre Tubalken ne ọre erha odede ọghe avbe igunẹrọnmwọ hia ni ye oze ke ematọn dunmwu emwi. Ọtiẹn Tubalken nokhuo kegha re Naama.

Job 28:2

Uwu otọ ọ re emwa ke tọnnọ ematọn ladian, o ghi vbe ranran oze ke uwu okuta ladian.

Nọmbas 31:13

E Mosis, Eliaza kevbe avbe ekaolotu ọvbehe hia ni rre uwu ẹbu emwa nii, keghi kpao vbe agọ khian bu avbe ivbiyokuo.

Nọmbas 31:21

Eliaza ne ohẹn keghi tama emwa ni ke okuo rre wẹẹ, “Emwamwa ne Nọyaẹnmwa rhie ne Mosis ọre ena khin.

Jọsua 6:19

Sokpan avbe emwikemwi ne a ya esiliva ra igoru ra oze ra ematọn ru, te a ra viọ iran ye efẹn ọkpa ne Nọyaẹnmwa. Te a ra viọ iran ye uwu aza e Nọyaẹnmwa.”

Jọsua 8:27

Ivbi Izrẹl keghi viọ avbe ẹmila kevbe avbe emwi ne a khọn viọ vbe evba nii, zẹ vbene e Nọyaẹnmwa tama Jọsua.