Nọmbas 31:2 - Edo Bible (E Baibol Ẹdo) Version 1996

² “Rria emwa Midian ikhi ye emwi ne iran ru ivbi Izrẹl re. U gha ghi ru onii nẹ, u ghi wu.”

Nọmbas 31:2 ပူးပေါင်းရင်းမြစ်များ

Gẹnẹsis 15:15

A gha re rue vbe u gha ghi tọ sẹ nẹ ẹsẹse.

Gẹnẹsis 25:17

Ukpo ehairrọ-vbiyihinrọn (137) ọre Ismẹl gha ye vbe ọ wu.

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Nahum 1:2

E Nọyaẹnmwa i zẹdẹ kue ne ọmwaikọmwa gu ẹe mwa ẹrrẹe; te ọ rri iran ni gbe odan ghe ẹre oya. Ọ ha ẹre werriegbe ne iran vbe ohu ẹre.

Nọmbas 20:24

“Errọn i khian la otọe ne I wẹ I gha mu ne ivbi Izrẹl, rẹn gha wu rhunmwuda, wa eveva sọtẹ uhi mwẹ vbe Mẹriba.

Nọmbas 20:26

Bannọ Errọn ẹwu ohẹn ne u viọ iran yọ Eliaza. Evba nii ọ re Errọn ra na wu.”

Nọmbas 25:1

Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi.

Nọmbas 25:6

Ehe ne iran na mudia vbe onurho Owa Ukpọn Ile gha khiẹ nii, ọkpa vbe uwu ivbi Izrẹl keghi sirra e Mosis kevbe avbe emwa nii hia rhie okhuo Midian ọkpa la uwu owa ukpọn rẹn.

Nọmbas 27:13

U gha ghi bẹghe ẹre nẹ, u ghi wu zẹ vbene Errọn ne ọtuẹn vbe wu.

Nọmbas 31:1

E Nọyaẹnmwa keghi tama Mosis wẹẹ,

Nọmbas 31:3

Ẹre Mosis na tama emwa nii wẹẹ, “Wa mu egbe okuo ne uwa miẹn ehe na dekun emwa Midian, ne uwa rria iran ikhi ye emwi ne iran ru e Nọyaẹnmwa re.

Iyẹn ne ọ Maan Ọghe Luk 21:22

Rhunmwuda ‘Ẹdẹ Irriakhi’ nọ ne a ya mu ẹmwẹ ne Ebe tae hia sẹ.

Iwinna 13:36

“Rhunmwuda, Devid ru ne Osanobua ho vbe ẹghẹ ọghọe, rẹn keghi wu, a keghi vbe re ẹre ba avbe enikaro, rẹn keghi vbe kẹkẹ.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Ebe ne Pọl gbẹẹn gie emwa Rom 13:4

Rhunmwuda ọguọmwadia Osanobua ne ọ winna ye umamwẹ ruẹn ọre nọ. Sokpan, u gha ru emwi dan, gie afianma rẹn gha fian an, rhunmwuda, ẹtin ne ọ mwẹ ne ọ ya rri ọmwa oya, ẹ i re ọghe abawẹ, ọguọmwadia Osanobua nọ, oya ọre ọ rri iran ni ru emwi dan re ne Osanobua.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Diuteronomi 4:22

Otọe edinran ọ re i ra wu yi, mẹ i ra fian ẹzẹ rra, sokpan te uwa ghi ra fian ẹn rra na ne uwa ya yin otọ esiesi nii.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

Hibru 10:30

Rhunmwuda ma rẹn ọmwa ne ọ khare wẹ, “I gha rria ikhi, I gha ru iha osa.” Kevbe ne ọ khare wẹ, “Nọyaẹnmwa gha bu ohiẹn emwa rẹn.”

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”

Arhie Maan 6:10

Iran keghi ye urhu ne ọ la datu wẹẹ: “Oghodua Nọyaẹnmwa, ne ọ huanrẹn kevbe ọmwa ẹmwata. Vbe ọ gha kpẹe sẹ hẹ yi u ke ya bu ohiẹn emwa ni rre agbọn, ne u vbe rri iran oya ye ne iran na gbele ima uan?”

Giọgis 16:24

Emwa nii ghi miẹn ọẹn, ira kegha rho ẹbọ iran wẹẹ, “Ẹbọ ima rhie akhọnmiotọ ne ima nẹ vbe uhunmwu eghian mwa ne ọ duẹ otọe ima an, ọ na gbele emwa nii bun vbe uwu ima!” Iran keghi ghọghọ, iran na kha wẹẹ, “Wa tie Samsin rre ne ima ya ẹe gbe ogiẹ.” Iran ghi mu e Samsin ke uwu ẹwẹdọ ladian, iran keghi ya ẹe gha gbe ogiẹ, iran na rhie ẹre mudia ye ẹkpo orre nekhua eva.

Giọgis 2:10

Orre ni hia keghi wulo, orre ne ọ ghi lele ẹe keghi mianmian e Nọyaẹnmwa kevbe emwi ne ọ ru ne Izrẹl.