Nọmbas 31:13 - Edo Bible (E Baibol Ẹdo) Version 1996

¹³ E Mosis, Eliaza kevbe avbe ekaolotu ọvbehe hia ni rre uwu ẹbu emwa nii, keghi kpao vbe agọ khian bu avbe ivbiyokuo.

Nọmbas 31:13 ပူးပေါင်းရင်းမြစ်များ

Gẹnẹsis 14:17

Ugbẹn vbe Ebram ghi ke ehe ne ọ na ya khọn miẹn Kiedolaoma kẹe kevbe avbe ọba nekpa ni yaba ẹre rre, ọba Sọdom keghi khian bu ẹre sẹ iya ọghe Siave (ne avbe tie ẹre iya ọba).

Levitikọs 4:22

“Ọ gha re enogie ẹre ọ rukhọ, ighẹ ọ rra uhi e Nọyaẹnmwa vbe ne ẹ i na re ẹmwẹ ọnrẹn.

Nọmbas 19:11

Ọmwa ne ọ yobọ kan ọmwa ne ọ wu nẹ, ghi gha re ne awua gue la ikpeedẹ ihinrọn.

Nọmbas 31:12

Iran na viọ iran bu e Mosis kevbe Eliaza kevbe emwa Izrẹl gha dee, emwa ni rre agọ vbe otọe ne ọ rrie ọghe Moab vbe a gha fian Jọdan rra vbe Jẹriko.

Nọmbas 31:14

Ohu avbe ekaolotu mu e Mosis, avbe iran ni kha yan arriaisẹn kevbe otu otu ọghe iwinna vbe okuo, ni ke okuo nii rre.

Nọmbas 5:2

“Tama ivbi Izrẹl ne iran viọ avbe emwa ne emianmwẹ ikpakpa ne ọmwa ọvbehe na sẹtin hẹ, ra ne egbe ẹre gin amẹ, kevbe emwa hia ne awua gue rhunmwuda ighẹ ọ ya egbe kan orinmwi, hin ore agọ rre.

I Samuẹl 15:12

Ẹdẹ ghi gbe vbe owiẹ ne ọ lele ẹe, ọ keghi gua kpao ne ọ ya gualọ e Sọl. Ọ keghi họn wẹ e Sọl rrie ẹvbo ne a tie ẹre Kamẹl ehe ne ọ na ma orre ọkpa ne egbe ẹre, ọ vbe ke evba kpao gha rrie Gilgal nẹ.

I Samuẹl 30:21

Ẹre Devid na werriegbe bu arhin uri ne egbewọmwẹ ma gie iran sẹtin lele ẹe, iran na yakọ vbe obọ nọkpa ọghe ovbi ẹzẹ e Bezọ. Iran keghi khian bu e Devid kevbe emwa rẹn sẹ odẹ, e Devid keghi bu iran gha khian, ọ na tuẹ iran ẹsẹse.