Nọmbas 30:6 - Edo Bible (E Baibol Ẹdo) Version 1996

⁶ A deghẹ okhuo ne ọ ma rọnmwẹ ọdọ ve emwi, ọ re te ọ yan ru ẹe ra ọ ma rẹn vbe ọ ru ẹe, ra te ọ yan rẹn wẹ rẹn gha zobọ vbe emwi eso, ọ na ghi ya rọnmwẹ ọdọ,

Nọmbas 30:6 ပူးပေါင်းရင်းမြစ်များ

Psalm 56:12

Osanobua mẹ gha ha emwi ne imẹ ve ne uẹn mẹ gha viọ emwi imuohan ọghe ekpọnmwẹ mwẹ nuẹn.

Jerimaia 44:19

Avbe ikhuo ni keghi vbe rhie te ẹe wẹẹ, “Ẹghẹ ne ima na gha fian eka ne a mannọẹn khọ Ọba okhuo ne Ẹrinmwi, a na vbe zọ ese ghe ẹre, ẹko avbe ọdafẹn ima rhiẹnrhiẹn ye emwi ne ima gha ru.”

Levitikọs 5:4

“A deghẹ ọmwa la ekpa a i gbe aro ke otọ vẹn ihẹn oguegue, ọ rri abe vbe ọwarọkpa ne ọ ya rẹn emwi ne irẹn ru.

Nọmbas 30:5

Erha ẹe gha wẹ ne ọ ghẹ ha emwi ne ọ ve nii vbe ọ họẹn, a i ghi vbe wẹ sokpan ọ ru ẹe. E Nọyaẹnmwa gha ya bọ ẹe, rhunmwuda erha ẹe ma kue yọ wẹ ne ọ ru ẹe.

Nọmbas 30:7

te ọ gha ha emwi hia ne ọ ve, ra ne ọ ru emwi hia ne ọ yan rẹn, sokpan amawẹ te ọdọ ẹre wẹ hẹn vbe ẹghẹ vbe ọ họn ẹẹn.

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”