Nọmbas 30:13 - Edo Bible (E Baibol Ẹdo) Version 1996

¹³ Ọdọ ẹre mwẹ asẹ ne ọ ya so igie yọ ra ne ọ khuan ruan ighẹ emwi ne ọ ve ra eyan ne ọ yan rẹn.

Nọmbas 30:13 ပူးပေါင်းရင်းမြစ်များ

Ẹzra 8:21

A ghi sẹ Ẹzẹ ne a fiaẹn ọghe Ahava, I keghi wẹ ne ima hia yo aguẹ, ne avbe mu egbe rriotọ vbe odaro Osanobua mwa, ne a vbe rinmwiaẹn ne ọ su ima vbe okhian mwa, kevbe ne ọ degue ima kevbe ivbi ima deba emwi ne ima mwẹ hia.

Psalm 35:13

Vberriọ, ẹghẹ ne egbe ma na rran iran, ukpọn akhiẹ ọ re I gha rhuan. I kegha ya ohanmwẹ rri egbe, I na gbe uhunmwu kotọ na erhunmwu.

Aizaia 58:5

Wa gha rre aguẹ, wa ghi gha rri egbe uwa oya, wa ghi hierre vbe ebe irunmwu, wa ghi wa ukpọn akhiẹ kevbe emuẹn yotọ ne uwa gha lovbiẹ yi. Ọnii ọ re uwa tie ẹre aguẹ ra? Wa yayi wẹ ọnii gha yẹ imẹ ra?

Levitikọs 16:29

Emwamwa na, a ghi da ẹe yi ẹdẹdẹmwẹdẹ. Vbe ikpẹdẹ ne ogigbe ọghe uki ne ogihinrọn, ivbi Izrẹl hia, deba orhunmwuyẹn ni rre uwu ẹbu iran ghi yo aguẹ, iran ghẹ winna iwinna rhọkpa.

Levitikọs 23:32

Ke ẹghẹ ne ovẹn ya dero vbe ikpẹdẹ ne ogihinrin yasẹ ẹghẹ ne ọ ya dero vbe ikpẹdẹ ne ogigbe wa ghi da ẹdẹ nii yi zẹ vbe ẹdẹ kpataki ne a ya kẹtin, vbe ẹghẹ na, wa ghẹ rri evbare rhọkpa.

Nọmbas 29:7

Vbe ikpẹdẹ ne ogigbe, ọghe uki ne ogihinrọn, wa ghi si egbe koko ne uwa ru ugamwẹ, wa ghẹ rri evbare rhọkpa, wa ghẹ winna,

Nọmbas 30:12

Sokpan adeghẹ ọdọ ẹre ma kue ne ọ mu eyan nii sẹ vbe ọ họn ẹẹn, a i ghi vbe wẹ ne ọ ru ẹe. Ọdọ ẹre ọre ọ ma gie ẹe mu eyan ni sẹ. E Nọyaẹnmwa gha ya bọ ẹe.

Nọmbas 30:14

Sokpan adeghẹ ọdọ ẹre ma wẹ hẹn vbe ẹdẹ ne ọ họn ẹẹn, te ọ gha ha emwi hia ne ọ ve ra ne ọ yan rẹn. Ugbẹn vbe okpia nii ma wẹ hẹn vbe ọ họn ẹẹn, ọ so igie yọ nẹ.

I Kọrinti 11:3

Sokpan I ho ne uwa rẹn wẹ, Kristi kpọlọ sẹ emwa hia fẹẹrẹ, ọdọ ọre ọ kpọlọ sẹ amwẹ ọnrẹn, Osanobua keghi vbe sẹ Kristi.

I Kọrinti 11:9

Erriọ vbe nọ, a ma rhunmwuda okhuo yi okpia, sokpan rhunmwuda okpia ọre a na yi okhuo.

I Kọrinti 7:5

Wa ghẹ gha ya emwi hin egbe unu, sokpan a ma wẹ wa gba ta ẹe nẹ wẹ ne uwa ru vberriọ la omwa ẹghẹ eso, ne uwa miẹn ehe na na erhunmwu, sokpan wa ghi vbe dọlegbe suẹn gha ru emwi ọdọ vbe amwẹ, ne a ghẹ gie ne ẹ i sẹtin ziengbe ya de ye edanmwẹ e Setan.