Nọmbas 30:12 - Edo Bible (E Baibol Ẹdo) Version 1996

¹² Sokpan adeghẹ ọdọ ẹre ma kue ne ọ mu eyan nii sẹ vbe ọ họn ẹẹn, a i ghi vbe wẹ ne ọ ru ẹe. Ọdọ ẹre ọre ọ ma gie ẹe mu eyan ni sẹ. E Nọyaẹnmwa gha ya bọ ẹe.

Nọmbas 30:12 ပူးပေါင်းရင်းမြစ်များ

Jerimaia 44:17

Emwi ne ima khare ighe ma ra ru hia ọ re ima ra ru. Ma gha zọ ese ghe avbe ẹbọ nokhuo ọghe ima ighe Ọba okhuo ne Ẹrinmwi, ma gha vbe gha sa ayọn ye otọ ne ẹẹn, zẹ vbene ima kevbe avbe erha mwa odede, avbe ọba ima kevbe avbe ọkaolotu ima ka ru ẹe dee yi vbe avbe ẹvbo e Juda, kevbe vbe adesẹ idunmwu ni rre Jerusalẹm. Vbe ẹghẹ nii, evbare keghi maa ne ima ọghe ọkpọkua, te agbọn wa gha maa ima ẹghẹ nii, ma ma vbe gha mwẹ ọlọghọmwa.

Jerimaia 44:19

Avbe ikhuo ni keghi vbe rhie te ẹe wẹẹ, “Ẹghẹ ne ima na gha fian eka ne a mannọẹn khọ Ọba okhuo ne Ẹrinmwi, a na vbe zọ ese ghe ẹre, ẹko avbe ọdafẹn ima rhiẹnrhiẹn ye emwi ne ima gha ru.”

Nọmbas 15:25

Ohẹn ghi ru iruemwi akhuẹhuan ne emwa ni hia, a gha yabọ iran, rhunmwuda, abaku ru nii i re ẹmwẹ iran, iran keghi vbe viọ izọese orukhọ iran rre zẹ vbe izẹọhẹ evbare gie Nọyaẹnmwa.

Nọmbas 15:28

Ohẹn ghi ru iruemwi akpehuan vbe aka ne ọ ya kpe ọmwa nii huan, a gha yabọe.

Nọmbas 30:11

te ọ gha ha emwi hia ne ọ ve ra ne ọ yan rẹn sokpan a ma wẹ ọdọ ẹre wẹ hẹn vbe ọ họn ẹẹn.

Nọmbas 30:13

Ọdọ ẹre mwẹ asẹ ne ọ ya so igie yọ ra ne ọ khuan ruan ighẹ emwi ne ọ ve ra eyan ne ọ yan rẹn.

Nọmbas 30:5

Erha ẹe gha wẹ ne ọ ghẹ ha emwi ne ọ ve nii vbe ọ họẹn, a i ghi vbe wẹ sokpan ọ ru ẹe. E Nọyaẹnmwa gha ya bọ ẹe, rhunmwuda erha ẹe ma kue yọ wẹ ne ọ ru ẹe.

Nọmbas 30:8

Sokpan adeghẹ ọdọ ẹre wẹ rẹn i kue yọ vbe ẹghẹ vbe ọ họn ẹẹn, wẹ ne ọ ghẹ ru ẹe, a i ghi vbe wẹ ne ọ ru ẹe. E Nọyaẹnmwa gha ya bọe.

I Kọrinti 11:3

Sokpan I ho ne uwa rẹn wẹ, Kristi kpọlọ sẹ emwa hia fẹẹrẹ, ọdọ ọre ọ kpọlọ sẹ amwẹ ọnrẹn, Osanobua keghi vbe sẹ Kristi.

I Samuẹl 1:23

Ẹlkana keghi tama rẹn wẹẹ, “Ru ẹe vbene ọ ke yi sẹẹ vbe aro ruẹ, tota ye owa u te do fian ọmọ nii ewẹn. Osanobua ne ọ gie eyan ne u yan rẹn sẹ.” Rhunmwuda ọnii, e Hanna keghi tota vbe owa, ọ na gha koko ovbi ẹre.