Nọmbas 3:40 - Edo Bible (E Baibol Ẹdo) Version 1996

^40-41 E Nọyaẹnmwa keghi tama e Mosis wẹẹ, “Mẹ ọre ọ yan emọdiọn nikpia vbe Izrẹl. Gbẹnnẹ emọdiọn nikpia ọghe Izrẹl hia ni rre uki ọkpa gha khian ye ebe, sokpan, ye ihe iran I viọ avbe Livai ya ru ọghomwẹ ye ihe avbe emọdiọn nikpia, Mẹ ọrọre Nọyaẹnmwa! I vbe viọ avbe ẹmila kevbe avbe Livai ya ru ọghomwẹ ye ihe emọdiọn avbe ẹmila.”

Nọmbas 3:40 ပူးပေါင်းရင်းမြစ်များ

Psalm 87:6

E Nọyaẹnmwa gha gbẹnnẹ eni emwa ni yotọ ọ ghi ka iran hia ba ivbi ore Jerusalẹm.

Aizaia 4:3

Emwa hia ne a ghi sẹrae vbe Jerusalẹm, iran ne Osanobua hannọọ zẹ vbọ wẹ ne ọ miẹn uhunmwu, a gha tie iran nọhuanrẹn.

Nọmbas 3:12

“Avbe Livai ọre I gha viọ ye ihe emọ ọdiọn hia ọghe avbe ivbi Izrẹl, iran ghi gha re ọghomwẹ, rhunmwuda, emọ ọdiọn nikpia hia, ọghomwẹ iran khin. Ẹghẹ ne I na gbele emọdiọn nikpia vbe Igipt, I keghi vbe ya emọ ọdiọn ikpia ni rre ivbi Izrẹl fi ohan ne egbe mwẹ, deba emọ ọdiọn ọghe emwirri. Mẹ ọrọre Nọyaẹnmwa.”

Nọmbas 3:15

“Gbẹnnẹ eni avbe Livai ye ebe, ẹgbẹe kevbe dọmwadẹ ẹwae, u ghi gbẹnnẹ eni emọ ikpia hia ni rre uki ọkpa gha khian.”

Nọmbas 3:45

“Banbanna nian, ye avbe Livai fi ohan khian ọghomwẹ ye ihe emọ ọdiọn ikpia ọghe ivbi Izrẹl, ne u vbe ya emọdiọn avbe ẹmila ivbi e Livai ye ihe ivbi ẹmila ọghe ivbi Izrẹl.

Iyẹn ne ọ Maan Ọghe Luk 10:20

Sokpan ẹ i re ne avbe orhiọn esu na họn ẹmwẹ ne uwa ọre uwa gha ghọghọ yi, sokpan wa gha ghọghọ ighe a gbennẹ eni uwa ye otọ vbe ẹrinmwi.”

Filipai 4:3

Kevbe uwẹ, ogieva mwẹ ne ekhọe esi ne ima gba winna kugbe, lahọ ru iyobọ ne avbe ikhuo na, rhunmwuda, iran mobọ kakabọ gun mwẹ winna vbe uwu ne a na kpe orhu iyẹn ne ọ maa, kevbe Klẹmẹnt kevbe avbe iho mwa nekpa ne ima gba winna, eni emwa ne a gbẹnnẹ ye uwu ebe ẹfe ọghe Osanobua nẹ.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

Hibru 12:23

Wa kegha die uwu ẹbu oghọghọ ivbi Osanobua nii, ke aro emwa ne a gbẹnnẹ eni iran ye otọ vbe ẹrinmwi. Wa keghi hu Osanobua ne ọre ne ọ bu ohiẹn emwa hia gha dee ke ẹe kevbe orhiọn avbe emwa ẹmwata ne a ya khian ne ọ fo na.

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.

Arhie Maan 3:5

Iran ni khọnmiotọ nẹ, erriọ ọre a ra yọ iran ukpọn nọ fua. Mẹ i ra vbe khiẹn eni iran hin ebe emwa ni ma wu rre. Vbe odaro Erha mwẹ kevbe avbe odibo ẹre, I ghi miẹn kue wẹ emwa mwẹ ọre iran khin.